ول بايقوڭىردان ەكى رەت عارىشقا ۇشقان
حالىقارالىق عارىش ستانساسىندا جۇرگەن مارك توماس ۆاندە حەي اقش-تىڭ قازاقستانداعى ەلشىلىگى ارقىلى قازاقستاندىقتاردى تاۋەلسىزدىك مەرەكەسىمەن قۇتتىقتادى، دەپ حابارلايدى Almaty-akshamy.kz Egemen.kz-كە سىلتەمە جاساپ.
«مەن ناسا استروناۆتىمىن. مەن سىزدەرگە وربيتادا ورنالاسقان ءۇيىمىز – حالىقارالىق عارىش ستانساسىنان سويلەپ تۇرمىن. قازاقستان تاۋەلسىزدىگىنىڭ 30 جىلدىعىنا جانە قازاقستان-امەريكا قارىم-قاتىناسىنىڭ 30 جىلدىعىنا وراي جىلى لەبىزىمدى بىلدىرگەنىمە وتە قۋانىشتىمىن. وسىدان ءۇش ونجىلدىق بۇرىن اقش قازاقستاننىڭ تاۋەلسىزدىگىن مويىنداعان العاشقى ەلدەردىڭ ءبىرى بولدى. سودان بەرى ءبىزدىڭ ەلدەرىمىز عارىشتى يگەرۋ سالاسىنداعى ىنتىماقتاستىقتى قامتيتىن بەرىك جانە كەڭ قارىم-قاتىناستى دامىتتى»، - دەدى عارىشكەر.
سونداي-اق ول بايقوڭىردان ەكى رەت عارىشقا ۇشقانىن اتاپ ءوتتى. سونىمەن قاتار، NASA ول جەردە كوپتەگەن ماڭىزدى زەرتتەۋلەر جۇرگىزگەنىن ايتتى.
«قازاقستاننىڭ ارقاسىندا ءبىزدىڭ ەلەۋلى جۇمىسىمىز جانە ادامداردىڭ حالىقارالىق عارىش ستانسياسىنداعى ساياحاتى جالعاسۋدا. سىزدەردى تاعى دا تاۋەلسىزدىكتىڭ 30 جىلدىعى جانە دوستىعىمىزدىڭ 30 جىلدىعىمەن قۇتتىقتايمىن!»، - دەيدى مارك توماس ۆاندە حەي.