ناۋقان اياسىندا قالا تۇرعىندارى مەن ەرىكتىلەر ارداگەرلەر مەن زەينەتكەرلەردىڭ اۋلاسىن جيناپ، قاريالاردىڭ العىسىن الدى. 30-عا جۋىق ەرىكتى ناۋرىزباي اۋدانى “تاۋسامالى” ىقشاماۋدانىنداعى كامەنسكوە، 34 مەكەنجايىندا تۇراتىن ۇلى وتان سوعىسىنىڭ ارداگەرى لەونيد پودكولزيننىڭ ۇيىنە باردى.
ناۋرىزباي اۋدانىنداعى جالعىز سوعىس ارداگەرىنىڭ جاسى 98-تە. ارداگەردىڭ كۇيەۋ بالاسى ەرىكتىلەرگە العىسىن ءبىلدىرىپ، يگى ىستەرىنە ساتتىلىك تىلەدى.
“ناۋرىزباي اۋدانىنىڭ ەرىكتى جاستارى “الماتى – ءبىزدىڭ ورتاق ءۇيىمىز” ءىس-شاراسى اياسىندا ارداگەر اتامىزعا كومەكتەسۋگە كەلدىك. وتانىمىزدى قورعاعان باتىر تۇلعاعا شەكسىز العىس بىلدىرەمىز. ۇلكەن كىسىلەردىڭ جۇزىندەگى قۋانىش ءبىزدىڭ جۇرەگىمىزگە دە جىلۋ بەرىپ، ەرەكشە كۇش سىيلايدى”، - دەيدى №188 مەكتەپ-گيمنازياسىنىڭ 10-سىنىپ وقۋشىسى، ەرىكتى مارعۇلان امىربەك.
“الماتى - ءبىزدىڭ ورتاق ءۇيىمىز” ناۋقانى اياسىندا اۋدان بويىنشا 200-دەن استام ءىس-شارا ۇيىمداستىرىلدى. جوندەۋ جۇمىستارىنان باستاپ، ساياباقتاردى تازالادىق. 8 ساۋىردەن 8 مامىرعا دەيىن 102 مەكەنجايعا بارىپ، ۇيلەردىڭ اۋلاسىن تازالاپ، وزگە دە جۇمىستاردى ىستەۋىمىز كەرەك. ءبىراق 3 تۇرعىن كومەكتەن باس تارتتى. قالعان 99 ۇيگە كومەكتەسەمىز. ەرىكتىلەردىڭ كوبى - اۋدان مەكتەپتەرىنىڭ وقۋشىلارى. كەيبىر جاعدايى ناشار وتباسىلارعا الەۋمەتتىك كومەك كورسەتىلەدى. تەك وسى ناۋقانمەن شەكتەلىپ قالماي، جازعى دەمالىس كەزىندە دە كومەكتەسەمىز. اۋدانىمىزدىڭ ەرىكتى جاستارى جاقسىلىق جاساۋعا قۇلشىنىپ تۇرادى”، - دەدى ناۋرىزباي اۋدانى اكىمىنىڭ ورىنباسارى ميراس نۇرلان ۇلى.