الماتىنىڭ وڭدەۋ ونەركاسىبى 20% ءوسىم كورسەتتى
بۇل تۋرالى وكق بريفينگىندە الماتى قالاسى كاسىپكەرلىك جانە ينۆەستيسيالار باسقارماسىنىڭ باسشىسى بەرىك سولتانبايەۆ ايتتى. بيىلعى العاشقى 6 ايدا وڭدەۋ ونەركاسىبى سالاسىندا وندىرىلگەن ءونىمنىڭ جالپى قۇنى 979،4 ملرد تەڭگە بولدى، بۇل الدىڭعى كورسەتكىشتىڭ بەستەن ءبىر بولىگىنە كوپ.
«ونىڭ [وڭدەۋ ونەركاسىبى سالاسى] ءوسىمى يندۋستريالىق ايماقتىڭ كەڭەيۋىمەن، ارنايى ەكونوميكالىق ايماقتىڭ دامۋىمەن جانە جاڭا ونەركاسىپتىك پاركتەردىڭ قۇرىلۋىمەن تىكەلەي بايلانىستى»، - دەدى بەرىك سولتانبايەۆ.
كاسىپكەرلىك جانە ينۆەستيسيالار باسقارماسىنىڭ باسشىسى قازىرگى ۋاقىتتا الماتىنىڭ يندۋستريالىق ايماعىن دامىتۋعا باسىمدىق بەرىلگەنىن دە ايتتى. ونىڭ اۋماعىندا ءقازىردىڭ وزىندە 10 مىڭنان استام جۇمىس ورنىن اشقان 381،4 ملرد تەڭگەگە تەڭ 87 جوبا ىسكە اسىرىلۋدا.