بۇل تۋرالى الماتى اكىمىنىڭ ورىنباسارى الىشەر ءابدىقادىروۆ مالىمدەدى.
وڭدەۋ ونەركاسىبى درايۆەرگە اينالدى جانە 2022 جىلى الماتى قالاسى ەكونوميكاسىنىڭ وسۋىنە شامامەن 17% ۇلەس قوستى، دەپ حابارلايدى Almaty-akshamy.kz
جىل باسىنان بەرى وڭدەۋ ونەركاسىبى 14،8%-عا ءوستى. ماشينا جاساۋدىڭ 55،5%-عا، جەڭىل ونەركاسىپتىڭ 28%-عا، تاماق ونىمدەرىنىڭ 9،5%-عا ءوسۋى قامتاماسىز ەتىلدى.
سوڭعى 3 جىلدا ماشينا جاساۋدىڭ ورتاشا جىلدىق ءوسىمى 61،8%-عا جەتتى. بۇل رەتتە، وڭدەۋ ونەركاسىبىندەگى ماشينا جاساۋ ۇلەسى اۆتوموبيل ونەركاسىبىنىڭ ءوسۋى ەسەبىنەن 40،8%-عا دەيىن ءوستى.
Hyundai Trans Almaty زاۋىتى ىسكە قوسىلعان ساتتەن باستاپ 67 مىڭنان استام، ونىڭ ىشىندە 2022 جىلى 33 مىڭنان استام اۆتوكولىك شىعارىلدى.