وڭداسىنوۆ كوشەسى ءبىر كۇنگە جابىلادى

الماتىدا وڭداسىنوۆ كوشەسى جوندەۋ جۇمىستارىنا بايلانىستى ءبىر كۇنگە ۋاقىتشا جابىلادى، دەپ حابارلايدى Aqshamnews.kz

وڭداسىنوۆ كوشەسىندەگى كولىك قوزعالىسى جوندەۋ جۇمىستارىنا بايلانىستى ۋاقىتشا شەكتەلەدى. سونداي-اق، 21 قىركۇيەك كۇنى ساع. 09:00-دەن 21:00-گە دەيىن وڭداسىنوۆ كوشەسىنىڭ دوستىق داڭعىلىنان متف كوشەسىنە دەيىنگى ۋچاسكەدە قولىك قوزعالىسى شەكتەلەتىن بولادى. اينالما جول «ەۆروپوليس» تۇك اۋماعى ارقىلى قامتاماسىز ەتىلەدى. جوندەلەتىن اۋماقتا ەسكەرتۋ بەلگىلەرى، مەردىگەر ۇيىم باسشىسىنىڭ بايلانىس ءنومىرى جازىلعان ستەندتەر قويىلادى. 

جوندەۋ جۇمىستارى كەزەڭىندە №107 مارشرۋتتىڭ قوزعالىس سىزباسى ەكى بولىككە ءبولۋ ارقىلى وزگەرتىلەتىن بولادى. «ابدۋلليندەر كوشەسى» سوڭعى ايالداماسىنان جوندەۋگە جابىلعان جەرگە دەيىن 2 اۆتوبۋس، ال جابىلعان جەردەن «كولساي ش/ا» سوڭعى ايالداماعا دەيىن 2 اۆتوبۋس قاتىنايدى. 

ەسكە سالساق، قوزعالىستاردى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram-ارناسىندا، اۋداندىق اكىمدىكتەر مەن باسقارمالاردىڭ الەۋمەتتىك جەلىلەرىندە، سونداي-اق 2GIS جانە «ياندەكس كارتالار» سەرۆيستەرىندە ورنالاستىرىلعان.