كەزەكتى ماۋسىم رەجيسسەر انتون زايسيەۆتىڭ «ويانۋ» سپەكتاكلىنىڭ پرەمەراسىمەن اشىلادى، دەپ حابارلايدى aqshamnews.kz
بۇل جولى انتون زايسيەۆ الەمدەگى ەڭ كونە ادەبي ماتىندەردىڭ ءبىرى — «گيلگامەش تۋرالى ەپوسقا» جۇگىنەدى.
«التىنشى ماۋسىم – بۇل ماحاببات تۋرالى! وزىڭە دەگەن ماحاببات، ادامعا دەگەن ماحاببات، جاقىندارىڭا دەگەن ماحاببات. ءبىز تەاتردى ماحابباتقا تولتىرعىمىز كەلەدى. ويتكەنى ۇلكەن ماحاببات – بۇل ماڭىزدى، ول ءبىزدىڭ ءومىرىمىزدى باسقارىپ وتىراتىن كۇش!» – دەيدى انتون زايسيەۆ.
«ويانۋ» – بۇل ومىرگە، الەمگە جانە جالپى ادام بولۋدىڭ، ماحابباتتىڭ جانە ماڭگىلىكتىڭ ءمانىن اشاتىن سۇراقتارعا جاۋاپ بەرەتىن سپەكتاكل. قويىلىمعا حالىقارالىق كوماندا جۇمىس ىستەيدى: سۋرەتشىلەر – يۋليا چەرنوۆا (قازاقستان) جانە ۋليانا گلۋموۆا (رەسەي)، دراماتۋرگ ەۆگەنيي يونوۆ (رەسەي)، ءانشى جانە كومپوزيتور نۇرعازى قۋانىشبەك (قازاقستان).
تەاتردىڭ التىنشى ماۋسىمداعى جوسپارىندا ەرەسەكتەرگە، جاسوسپىرىمدەرگە جانە بالالارعا ارنالعان ون جاڭا قويىلىم بار، ونىڭ بەسەۋى 2024 جىلدىڭ سوڭىنا دەيىن كورەرمەنگە ۇسىنىلادى.
«توتالنىي تەاتر» – جىل سايىن ءوز ساحناسىندا تەاتر فەستيۆالدەرىن ۇيىمداستىرىپ، جاسوسپىرىمدەرگە ارنالعان سپەكتاكلدەر قويىپ كەلە جاتقان ساناۋلى جەكەمەنشىك تەاترلاردىڭ ءبىرى.
پرەمەرا 1 قازان كۇنى ساعات 19.30-دا الماتى قالاسى، شيەۆچەنكو كوشەسى، 114ء-ۇي مەكەنجايىنداعى «توتالنىي تەاتر» ساحناسىندا وتەدى.
بايلانىس ءنومىرى: +77021630156 دينا.