الماتىدا 6 ءباشپايى بار ءجاسوسپىرىم قىزعا بىرەگەي وپەراسيانى دارىگەرلەر ءساتتى جۇرگىزدى
قىز بالا تۋا بىتكەن اقاۋمەن دۇنيەگە كەلدى. بۇل انوماليا كىشكەنتاي كەزىنەن باستاپ كوپتەگەن قولايسىزدىقتار تۋعىزدى: قىز ءار ءتۇرلى مولشەردەگى اياق كيىمدى كيۋگە ءماجبۇر بولدى، سول اياعى وڭ اياعىنان بىرنەشە ولشەمگە ۇلكەن، بۇل كوسمەتيكالىق اقاۋدى تۋدىرىپ قانا قويماي، ونىڭ ءوزىن-وزى باعالاۋىنا اسەر ەتىپ، پسيحولوگيالىق پروبلەمالارعا اكەلۋى مۇمكىن. ۋاقىت وتە كەلە جاعداي كۇردەلەنە ءتۇستى، ويتكەنى دۇرىس اياق كيىمدى تاڭداۋ مۇمكىن بولمادى.
قىزدىڭ اتا-اناسى ۇزاق ۋاقىت بويى بۇل ماسەلەنى شەشۋدىڭ جولدارىن ىزدەدى، وپەراسياعا باتىلى بارمادى. ءقازىر قىز 10 جاستا. ولار وزدەرىنىڭ تانىستارى مەن دارىگەرلەرىنىڭ ۇسىنىستارى بويىنشا الماتىداعى №2 بالالار قالالىق كلينيكالىق اۋرۋحاناسىنىڭ (دالەە - №2 بقكا) حيرۋرگتارىنا جۇگىندى. ءبىرقاتار كونسۋلتاسيالار مەن تەكسەرۋلەردەن كەيىن اۋرۋحانا ماماندارى اياقتىڭ قالىپتى جۇمىسىن قالپىنا كەلتىرۋ جانە قىزدىڭ ءومىر ءسۇرۋ ساپاسىن جاقسارتۋ ءۇشىن وپەراسيا قاجەت دەگەن قورىتىندىعا كەلدى.
وپەراسيا قور سەرىكتەستەرىنىڭ قولداۋىمەن الماتى قالاسى №2 بقكا جانە "مەيىرىمدىلىك "ءۇيى" قق ۇيىمداستىرعان ارنايى حالىقارالىق ماستەر-كلاسس شەڭبەرىندە ءوتتى، بۇل جاڭا ادىستەمەلەر مەن تەحنولوگيالاردى پايدالانۋعا مۇمكىندىك بەردى. بۇل قازاقستان مەن رەسەيدىڭ جەتەكشى بالالار حيرۋرگتارىنىڭ تابىستى كوماندالىق جۇمىسى بولدى. "ەڭ كۇردەلى حيرۋرگيالىق ارالاسۋدى ءبىزدىڭ ورتوپەد – تراۆماتولوگتار سانكت-پەتەربۋرگتەگى پيروگوۆ اتىنداعى جوعارى مەديسينالىق تەحنولوگيالار كلينيكاسىنىڭ ارىپتەستەرىمەن بىرگە جۇرگىزدى. وپەراسيانىڭ قيىندىعى ءبىزدىڭ الدىمىزدا قوسىمشا ساۋساقتى الىپ تاستاۋ عانا ەمەس، سونىمەن قاتار اياقتىڭ قاجەتسىز قالىپتان تىس شيري بەرەتىن قوسىمشا مەتاتارسالدى سۇيەك بولدى. تەكسەرۋ كەزىندە نەرۆتەر مەن قان تامىرلارىنىڭ ورنالاسۋىندا انوماليا انىقتالدى، بۇل ميكروسكوپپەن جۇمىس ىستەۋدى تالاپ ەتتى، - دەدى الماتى قالاسىنىڭ № 2 بقكا تراۆماتولوگيا ءبولىمىنىڭ مەڭگەرۋشىسى الماتىان سادىربالين ە.ك.
قىزدىڭ اتا-اناسى سوزبەن ايتىپ جەتكىزگىسىز قۋانىشپەن، كوز جاسىمەن وپەراسيانىڭ ءساتتى ناتيجەسى تۋرالى جاڭالىقتى قابىلدادى. ەندى بالا بىرتىندەپ قالپىنا كەلەدى جانە دارىگەرلەردىڭ بولجاۋىنشا، جاقىن ارادا اياعىن جاسىرماي جانە قىسىلماي، قالىپتى ومىرگە ورالا الادى. بۇل قالپىنا كەلتىرۋ تاريحى وتباسىنا ءۇمىت سىيلاپ قانا قويماي، قازاقستانداعى قازىرگى زامانعى مەديسينا ءتىپتى ەڭ كۇردەلى جاعدايلاردى دا شەشە الاتىنىن، بالالارعا تولىققاندى ءومىر سۇرۋگە جانە باقىتتى بالالىق شاققا مۇمكىندىك بەرەتىنىن كورسەتتى.