باس پروكۋراتۋرا وقيعانى ءوز باقىلاۋىنا العانىن حابارلادى
تاشكەنتتەگى بالاباقشا باس پروكۋراتۋرانىڭ نازارىنا ىلىككەن. مەڭگەرۋشىنىڭ 15 جاستاعى ۇلى 6 جاستاعى قىزدارعا ءتيىسىپ، شەشىنۋگە ماجبۇرلەگەنى بەلگىلى بولدى، دەپ حابارلايدى دەپ حابارلايدى اlmaty-akshamy.kz Azattyq Ruhy سايتىنا سىلتەمە جاساپ.
پورتال مالىمەتىنشە، جوعارى سىنىپ وقۋشىسى بالاباقشاعا كۇن سايىن كەلىپ، دايىندىق توبىنداعى بالالارمەن وڭاشا قالاتىن بولعان. قورقىتىپ-ۇركىتىپ، ءتورت قىزدى شەشىنۋگە ماجبۇرلەگەن، بىرەۋى شەتەلدىكتىڭ قىزى بولعان. ءجاسوسپىرىم قىزدارعا قولىن جۇگىرتكەن، سودان كەيىن بىرەۋى ايعالاپ جىبەرگەندە، ول قورقىپ كەتىپ قالادى.
بالالار كەشكە بارلىعىن اتا-اناسىنا ايتىپ، ولار قۇقىق قورعاۋ ورگاندارىنا ارىز جازىپ، وقيعانى جۋرناليستەرگە جەتكىزگەن. قىزداردىڭ اتا-اناسى بالالار جاتقان بولمەدە كامەرا ورناتىلماعانىن، تەرگەۋ كۇنى كىرەبەرىستەگى كامەرا كەنەت ىستەمەي قالعانىن ايتادى.
باس پروكۋراتۋرا وقيعانى ءوز باقىلاۋىنا العانىن حابارلادى. دەرەك بويىنشا قىلمىستىق كودەكستىڭ 119-بابىنا سايكەس قىلمىستىق ءىس قوزعالعان.
مەكتەپكە دەيىنگى جانە مەكتەپتەگى ءبىلىم بەرۋ مينيسترلىگى №230 بالاباقشا مەڭگەرۋشىسى «قىزمەتىنە جاۋاپسىز قاراپ، بالالاردىڭ ومىرىنە ءقاۋىپ توندىرگەنى ءۇشىن» قىزمەتىنەن بوساتىلعانىن حابارلادى.