قاريالارعا ازىق-تۇلىك قورجىنى مەن ەستەلىك سىيلىقتار تابىس ەتىلدى.
بۇگىن №16 قالالىق ەمحانانىڭ باس دارىگەرى ۇلىقبەك مەدەۋبەكوۆ، سونداي-اق ەمحانا قىزمەتكەرلەرى ۇلى وتان سوعىسىنداعى جەڭىس كۇنىن مەرەكەلەۋ قارساڭىندا ارداگەرلەردىڭ ۇيىنە بارىپ كونسۋلتاسيا جۇرگىزدى، دەپ حابارلايدى اlmaty-akshamy.kz Almaty.tv سىلتەمە جاساپ.
ءىس-شارا بارىسىندا ەمحانا باسشىسى ارداگەرلەردىڭ دەنساۋلىق جاعدايىن سۇراپ، زور دەنساۋلىق، ۇزاق عۇمىر تىلەپ، ولاردىڭ وسكەلەڭ ۇرپاققا جارقىن ۇلگى ەكەنىن ايتىپ، ازىق-تۇلىك قورجىندارى مەن ەستەلىك سىيلىقتار تابىس ەتتى.
ءوز كەزەگىندە ەمدەلۋشىلەر مەديسينا قىزمەتكەرلەرىنىڭ كوڭىل بولگەنى، قامقورلىعى ءۇشىن شىن جۇرەكتەن ريزاشىلىعىن ءبىلدىردى. مۇنداي جۇمىس بارلىق جەردە جۇرگىزىلىپ جاتىر.
قۇرامىندا كارديولوگ، ەندوكرينولوگ، حيرۋرگ، وفتالمولوگ، لور دارىگەرى، ماممولوگ جانە پسيحولوگ سياقتى جالپى تاجىريبەلىك دارىگەرلەر مەن مامانداندىرىلعان قىزمەتكەرلەر بار قالالىق ەمحانالاردىڭ كوپسالالى بريگاداسى وسى ساناتتاعى ارداگەرلەرگە مەديسينالىق تەكسەرۋ جۇرگىزىپ جاتىر.
ءۇي-ۇيدى ارالاۋ نەگىزىندە مەديسينالىق تەكسەرۋ جانە كەڭەس بەرۋ، ناۋقاستاردى كاسىبي قۇرال-جابدىق ارقىلى تولىق تەكسەرۋ جۇرگىزىلەدى. ۋزي، رەنتگەن، كارديوگرافيا جاسالادى، ەمدەۋگە قاجەتتى بارلىق دارى-دارمەك بەرىلەدى، قان ءاناليزى الىنادى.
ايتا كەتەلىك، الماتى قالاسى اكىمى ەربولات دوسايەۆتىڭ تاپسىرماسى بويىنشا وتكەن جىلدان بەرى ۇلى وتان سوعىسىنىڭ ارداگەرلەرىنە كەلەسى باعىتتار بويىنشا تەگىن مەديسينالىق كومەك كورسەتىلىپ كەلەدى:
- جالپى تاجىريبەلىك دارىگەرلەر مەن ناقتى مامانداردىڭ كەڭەيتىلگەن تەكسەرۋى. جالپى كلينيكالىق تەكسەرۋلەر جيناعى.
- كورسەتكىشتەرگە سايكەس تەكسەرۋ، سونىڭ ىشىندە ەكگ، ۋدز، كت جانە مرت. اۋرۋحانادا قالپىنا كەلتىرۋ، سونداي-اق ساناتوريالىق-كۋرورتتىق ەمدەۋ.
2023 جىلدىڭ باسىنان بەرى 4 اي ىشىندە مەديسينالىق كومەكتىڭ كەپىلدىك بەرىلگەن كولەمى مەن مىندەتتى مەديسينالىق ساقتاندىرۋ اياسىندا 3243 ۇلى وتان سوعىسىنا قاتىسۋشى جانە ولارعا تەڭەستىرىلگەن تۇلعا كەڭەيتىلگەن مەديسينالىق تەكسەرۋدەن ءوتتى. جىل سوڭىنا دەيىن وسى ساناتتاعى الماتىلىقتاردىڭ 100 پايىزى كەڭەيتىلگەن مەديسينالىق تەكسەرۋدەن وتەدى.
تاسىمالداۋعا كەلمەيتىن ناۋقاستاردىڭ بارلىعىن اي سايىن ۋچاسكەلىك دارىگەرلەر نە مەدبيكەلەر تەكسەرەدى. ءدارىنى ۇيگە تەگىن جەتكىزۋ ۇيىمداستىرىلعان. جىل سوڭىنا دەيىن تاسىمالداۋعا جارامسىز 3900-دەن استام ناۋقاس ءۇي جاعدايىندا تولىق مەديسينالىق تەكسەرۋدەن وتەدى.