الماتىدا ق ر ەڭبەك سىڭىرگەن جاتتىقتىرۋشى، سپورت شەبەرى ءىزبازار ورازباق ۇلىنىڭ ەسكە الۋعا ارنالعان اسىق اتۋدان ءدۇبىرلى تۋرنير ۇيىمداستىرىلدى. ءىزباسار ورازباق ۇلى كەزىندە ۇلتتىق سپورتىمىزدىڭ ىشىندەگى اسىق اتۋ ونەرىنە ءمان بەرىپ، ءتۇرلى جارىستاردى ۇيىمداستىرۋع ات سالىسقان.
«ارداقتى اعامىز زەينەتكە شىققانشا قاتارىنان 20 جىلداي قالامىزدا جارىس وتكىزىپ كەلدى. ول كىسىنىڭ «باسپالداق»- اتتى جارىسىنا تالاي رەت بارىپ، كۋاسى بولعان ەدىم. سوندا الماتى قالاسىنىڭ ەڭبەكتەگەن بالاسىنان ەڭكەيگەن قارتىنا دەيىن بارىپ جارىستا باقتارىن سىناپ جاتاتىن. ول كىسىنىڭ دەنساۋلىقتى جاقسارتۋ جاعىنداعى ەڭبەگى دە ەرەن دەپ ايتقان دۇرىس بولار. حالىقتىڭ دەنساۋلىعىنىڭ جاقسارا تۇسۋىنە ءوزى مۇرىندىق بولعان سپورت شارالارى ارقىلى ەڭبەگىنىڭ جەمىسىن كورگەن ارداقتى اعامىز ق ر ەڭبەگى سىڭىگەن قايراتكەرى بولدى. «ءبىر ادام قازعان قۇدىقتان مىڭ ادام سۋ ىشەدى» دەگەن ەكەن بابالارىمىز. دەنساۋلىقتى جاقسارتۋدىڭ جولى سپورت ارقىلى دەگەن ۇعىمدى ارقاۋ ەتىپ، ىزگىلىكتىڭ ءدانىن ەگە بىلگەن ءىزبازار ورازباق ۇلىنىڭ ءجۇرىپ وتكەن ءومىر جولى جاستارعا تۇنىپ تۇرعان ۇلگى ونەگە ەدى. ءىزباسار اعامىزدىڭ باقيلىق دۇنيەگە ساپار شەككەنىنە دە، مىنە، جىلدان اسىپ بارادى. جاقسىنىڭ ءوزى ولگەنمەن، ارتىنا قالدىرعان ىزگىلىك جولىنداعى ءىزى ولمەك ەمەس»، – دەدى اقىن ورداباي ۇلى.
تۋرنيرگە قاتىسۋشىلار ۇلتتىق سپورتىمىزدىڭ اسىق اتۋ مەن بەس اسىق ونەرى بويىنشا سىنعا ءتۇستى. ايتۋلى جارىسقا قالاداعى 5 اۋداننان 64 سپورتشى قاتىستى. ولاردىڭ ىشىندە 32 ۇل اسىق اتۋدان باعىن سىناسا، بەس اسىقتان 32 ارۋ باقتارىن سىندى. قالا مەكتەپتەرىندە دەنە شىنىقتىرۋ ءپانىنىڭ ۇستازدارى كەلىپ شەبەرلىگىن سىناعىن الامان تۋرنير وتە تارتىستى ءارى قىزىقتى ءوتتى.
ءىزبازار ورازباق ۇلى1990 جىلى ماروككونىڭ مەحناس قالاسىندا وتكەن جەڭىل اتلەتيكادان ارداگەرلەر اراسىنداعى بىرىنشىلىكتە الەم چەمپيونى اتانادى. سول ءبىر ءدۇبىرلى وتكەن بايراقتى جارىستا 100 مەترلىك جۇگىرۋدە الدىنا جان سالماعان جەلاياق، يادرو لاقتىرۋدان دا قارسىلاستارىن ارتتا قالدىرىپ كەتكەن ەكەن. كوپ جىلدار بويى الماتىداعى حالىقتىق، ۇلتتىق سپورت تۇرلەرى جانە بۇقارالىق ساۋىقتىرۋ-دەنە شىنىقتىرۋ كلۋبىندا ەڭبەك ەتتى.
«ءىزباسار ورازباق ۇلى - الماتى شاھارىندا بۇقارالىق سپورت پەن سالاۋاتتى ءومىر سالتىن قالىپتاستىرۋدا وراسان ۇلەسىن قوسقان جان. سونداي-اق، ساۋىقتىرۋ-شىنىقتىرۋ ارقىلى دەنساۋلىقتى جاقسارتۋ جاتتىعۋلارىنىڭ كىندىك اتاسى ءارى نەگىزىن قالاۋشى. بۇل شاراعا ۇيىتقى بولىپ باستورەشىلىك جاساعان اسان قاناپيانوۆ - كەزىندە ءىزباسار اعامىزدىڭ قاسىندا ءجۇرىپ شاراپاتىنا بولەنگەن ۇلتتىق سپورتتىڭ جاناشىرى. ۇلتتىق التىن قۇنىدىلىعىمىزدىڭ ءبىرى - اسىق اتۋدىڭ بىلايشا ايتقاندا مايىن ىشكەن، بىلگىر ازامات جارىستىڭ سونداي ادىلەتتى ءارى جانجالسىز وتۋىنە زور سەپتىگىن تيگىزدى»، – دەدى اقىن ورداباي ۇلى.
اسىق اتۋدا ۇلكەن ونەردى تالاپ ەتەتىن ۇلتتىق سپورت ءتۇرى بولىپ تابىلادى. قۇلجا ساقانى قولىنا ۇستاپ، 5-6 مەتردەي جەردەگى جەرگە تىزىلگەن اسىقتارعا ءدال تيگىزۋ ەكىنىڭ ءبىرىنىڭ قولىنان كەلە بەرمەس ونەر. ويتكەنى، ەپتىلىگى مەن دالدىلىگى كەلگەن اسىقشى عانا كوزدەگەندى ءدال اتىپ الاڭنان شىعارى الادى. حوش، سونىمەن التىن اسىقتارىن شيىرە تارتقان ۇستازداردىڭ اراسىنان 1-ورىندى جەتىسۋ اۋدانىنىڭ اسىقشىلارى جەڭىپ الدى. جەتىسۋ كومانداسى جەڭىمازدارىنىڭ اراسىندا ەرلان ۇلى جالعاس، تۇرعانبەكوۆ نۇركەلدى جانە قانتورەيەۆ ەرلانداردىڭ ەرەكشە جەتىستىكتەرىن ايتپاي كەتۋگە بولماس. ال، 2-ورىندى اۋەزوۆ، 3-ورىندى المالى اۋداندارىنىڭ اسىقشىلار كوماندالارى جەڭىپ الدى. ال، بەس اسىق ونەرى بويىنشا 1-ورىندى اۋەزوۆ اۋدانى جەڭىپ الدى. وسى بەس اسىق سايىسىندا سەيدەحماتوۆا شىنار، امانوۆا گۇزارام مەن جاقسلىقوۆا دينارالار ەرەكشە ونەرلەرىمەن كوزگى ءتۇسىپ، ۇزدىك شىقتى. ال، 2-ورىندى جەتىسۋ كومانداسى يلەنسە، جۇلدەلى 3-ورىنمەن ناۋرىزباي اۋدانىنىڭ اسىقشىلارى ماراپاتتالدى.