ونكولوگيالىق اۋرۋلاردى دەستيگماتيزاسيالاۋدى قولداۋ كورمەسى
وسى جىلدىڭ 3-14 مامىر ارالىعىندا قازاقستان رەسپۋبليكاسىنىڭ مەملەكەتتىك ورتالىق مۋزەيىندە ونكولوگيالىق اۋرۋلاردى دەستيگماتيزاسيالاۋدى قولداۋ ماقساتىندا «ومىرگە-ومىر جالعاسسىن» كورمەسى وتەدى، دەپ حابارلايدى Almaty-akshamy.kz.
كورمەگە الماتى قالاسىنىڭ، سونىمەن قوسا قازاقستاندىق جاس سۋرەتشىلەردىڭ سيفرلىق جانە ءداستۇرلى كەسكىندەمە تەحنيكاسىندا ورىندالعان تۋىندىلارى قويىلادى. كورمەدە اۋرۋدى جەڭە العان ءۇش كەيىپكەردىڭ اڭگىمەلەرى، سونداي-اق ولاردى اشقان فوتوسۋرەتتەرى باستى ورىن الادى.
كورمەنىڭ باستى ماقساتى – كەلۋشىلەرگە اۋرۋدى جەڭگەن كەيىپكەرلەردىڭ جولىن تۇسىنۋگە جانە سەزىنۋگە مۇمكىندىك بەرۋ.
قازاقستاندىق سۋرەتشىلەر باقىت بۋبيكانوۆا، اسحات احمەدياروۆ، ارۋجان جۇمابەك، ولەگ زۋيەۆ جانە گەورگيي ترياكين-بۇحاروۆتىڭ جۇمىستارىنان قۇرالعان كورمە الماتى قالاسىندا وتەدى.
«Seniminmen» قورىنىڭ مۇشەلەرىنىڭ ايتۋىنشا، ونكولوگيالىق ناۋقاستاردى ەمدەۋ ءۇشىن ەڭ ماڭىزدى قادام – پسيحولوگيالىق كومەك. قوردىڭ نەگىزىن قالاۋشى پسيحوتەراپيەۆت، ونكوپسيحولوگ دينارا قۇسايىنوۆانىڭ ايتۋىنشا، قاتەرلى ىسىك ناۋقاستىڭ مورالدىق جاعدايىنا قاتتى اسەر ەتەدى. پسيحولوگيالىق كومەك ناۋقاستارعا دياگنوزىنا بايلانىستى كۇيزەلىستى، مازاسىزدىقتى جانە ۇرەيدى جەڭۋگە مۇمكىندىك بەرەدى.
ادامدارعا ونكولوگيا دياگنوزىن قويۋ – كوبىنەسە ۇلكەن كۇيزەلىسكە ءتۇسىرىپ، ءتۇرلى پسيحيكالىق اۋىتقۋلارعا ۇشىراتادى. بۇل اۋرۋدى باستان كەشىرۋ ەموسيونالدى جانە كوگنيتيۆتى كەزەڭدەردەن تۇرادى. دەرتكە شالدىققان ادام ستيگم اسەرىنەن اۋرۋدىڭ الدىن الۋ ءۇشىن تەكسەرىستەن وتۋگە، دياگنوزىن باسقالارعا ايتۋعا تارتىنشاقتاۋىنا بايلانىستى پسيحولوگيالىق سۇيەمەلدەۋدى تالاپ ەتەدى.
الەمدىك تاجەريبەگە سۇيەنەتىن بولساق، قاتەرلى ىسىككە شالدىققان ادامدار دەرتتى جەڭىپ شىعۋ ءۇشىن، پسيحولوگيالىق كومەك ونكولوگيالىق ناۋقاستارعا ارنالعان تەراپيانىڭ اجىراماس بولىگى بولىپ تابىلادى، ويتكەنى بۇل ولارعا وڭ كوزقاراستى ساقتاۋعا جانە اۋرۋمەن كۇرەسۋدە توزىمدىلىكتى نىعايتۋعا كومەكتەسەدى.
«Seniminmen» قورى – ونكولوگيالىق اۋرۋدى جەڭگەن ادامداردىڭ تابىستى وقيعالارى مەن وڭ ناتيجەلەرىن اتالمىش دەرتپەن بەتپە-بەت كەلگەن كوپتەگەن ادامدار مەن ولاردىڭ جاقىندارىن ىنتالاندىرىپ، وڭ اسەرىن تيگىزەدى دەپ ۇمىتتەنەدى.