الماتى زووپاركى قوعامدا الاڭداۋشىلىق تۋدىرعان ماسەلەلەرگە قاتىستى ءاردايىم تۇسىنىكتەمە بەرۋگە دايىن.
بۇگىندە زووباقتا ديانا ەسىمدى ەرەكشە ياگۋار ءومىر سۇرۋدە. ونىڭ تاعدىرى وڭاي بولعان جوق. 2007 جىلى ءالى كۇشىكتەي كەزىندە ەرەسەك اتالىق — ءوز اكەسىنەن قاتتى جاراقات الىپ، ءبىر اياعىنان جانە قۇيرىعىنان ايىرىلعان.
زوولوگيا مەن ۆەتەريناريا ستاندارتتارى بويىنشا مۇنداي اۋىر جاراقات العان جانۋارلارعا ەۆتانازيا (ۇيىقتاتىپ جىبەرۋ) ۇسىنىلادى. الايدا، الماتى زووباعىنىڭ ۆەتەرينارلىق قىزمەتى ەرەكشە شەشىم قابىلداپ، ونىڭ ءومىرىن ساقتاپ قالۋدى ءجون سانادى. 2007 جىلى ماماندار ديانانى قۇتقارىپ، ونى ايالاپ امان الىپ قالدى. ولار ءۇشىن ءاربىر تىرشىلىك يەسى، قانداي دا ءبىر كەمىستىگى بولسا دا، قامقورلىققا جانە لايىقتى ومىرگە قۇقىلى.
كوپ جىل بويى ديانا كەلۋشىلەرگە كورىنبەيتىن، جابىق ۆولەردە ۇستاعان. الايدا ۋاقىت وتە كەلە، ونىڭ دەنساۋلىعى تۇراقتانىپ، جاعدايى جاقسارعان سوڭ، زووباق اكىمشىلىگى مەن ماماندار ونى اشىق ۆولەرگە شىعارىپ، كەلۋشىلەرگە كورسەتۋ تۋرالى شەشىم قابىلدادى. بۇل – ەرەكشەلىگى بار جانۋارلارعا دەگەن مەيىرىمدى جانە ىقتياتتى قارىم-قاتىناستىڭ سيمۆولى.
ءقازىر ديانا – 18 جاستا. بۇل ياگۋار ءۇشىن اسا قۇرمەتتى جاس سانالادى. ول ۇنەمى ۆەتەرينارلىق باقىلاۋدا، ارنايى كۇتىم مەن بەيىمدەلگەن تاماقتانۋ الىپ تۇرادى. ونىڭ جۇرىسىندەگى ەرەكشەلىك – اۋرۋدىڭ بەلگىسى ەمەس، ءومىر جولىنىڭ ءبىر بولىگى. بۇل – ءبىز اشىق ايتىپ جۇرگەن شىنايى تاريح.