قازاقستان رەسپۋبليكاسى قورعانىس مينيسترلىگى مەرزىمدى اسكەري قىزمەتىن وتەگەن اسكەري قىزمەتشىلەردىڭ ەلىمىزدىڭ جوعارى وقۋ ورىندارىندا ءبىلىم الۋ ءۇشىن مەملەكەتتىك گرانت يەگەرلەرى اتانعاندارىنىڭ ءتىزىمىن جاريالادى.
بۇل تۋرالى اqshamnews.kz قورعانىس مينيسترلىگىنە سىلتەمە جاساي وتىرا حابارلايدى.
كونكۋرستىق ىرىكتەۋگە قازاقستان رەسپۋبليكاسى قارۋلى كۇشتەرىنىڭ، مەملەكەتتىك كۇزەت قىزمەتىنىڭ، توتەنشە جاعدايلار مينيسترلىگىنىڭ، ۇلتتىق قاۋىپسىزدىك كوميتەتىنىڭ شەكارا قىزمەتىنىڭ جانە ۇلتتىق ۇلاننىڭ اسكەري بولىمدەرىندە بەلگىلەنگەن مەرزىمدە قىزمەتىن وتەگەن 17 500-دەن استام سارباز قاتىستى.
قازاقستان رەسپۋبليكاسى عىلىم جانە جوعارى ءبىلىم مينيسترلىگى ازاماتتىق جوعارى وقۋ ورىندارىنا 2010 گرانت، قورعانىس مينيسترلىگىنىڭ اسكەري ينستيتۋتتارىنا 253 ورىن، ۇلتتىق ۇلان اكادەمياسىنا 36 ورىن، ۇقك شەكارا قىزمەتى اكادەمياسىنا 12 ورىن جانە توتەنشە جاعدايلار مينيسترلىگىنىڭ وقۋ ورنىنا 3 ورىن ءبولدى.
بيىلعى جىلى تالاپكەرلەر تاڭداعان جوعارى وقۋ ورىندارىنىڭ رەيتينگىندە Astana IT University، ءال-فارابي اتىنداعى قازاق ۇلتتىق ۋنيۆەرسيتەتى، ل.ن. گۋميليەۆ اتىنداعى ەۋرازيا ۇلتتىق ۋنيۆەرسيتەتى جانە ق.ي. ساتبايەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتى كوش باستاپ تۇر. گرانت يەگەرلەرى اراسىندا ەڭ كوپ تاڭدالعان ماماندىقتار – اقپاراتتىق تەحنولوگيالار، اقپاراتتىق قاۋىپسىزدىك جانە تەحنيكالىق ماماندىقتار.