ءانشىنىڭ جەكە سايتىنىڭ اقپاراتىنا سايكەس، جازدىڭ ءبىرىنشى كۇنى جاپون راديوسىنىڭ تولقىنىندا More Music باعدارلاماسىنىڭ World Music Scene بولىمىندە قازاق ەستراداسىنىڭ جۇلدىزى ديماش قۇدايبەرگەننىڭ «Omir» كومپوزيسياسى شىرقالادى.
ديماشتىڭ پاراقشاسىندا جازىلعانداي، جاپوندىق راديوباعدارلامانىڭ جۇرگىزۋشىسى كاتو كادزۋجي قازاقستاندىق ونەرپازدىڭ جاڭا كومپوزيسياسىن ەستىپ، ءوز اسەرىمەن ءبولىستى.
«وسى ءاندى تىڭداي وتىرىپ، ديماشتىڭ العا، تەك العا ۇمتىلاتىن كۇشتى ەرىك-جىگەرىن سەزىنەمىن. ءومىردى ءبىر رەت تىڭداعان سوڭ، قايتا-قايتا تىڭداعىڭ كەلەتىنى ءسوزسىز!»
سونداي-اق، باعدارلاما اياسىندا جاپون ديدجەيلەرى ەركە ەسماحاننىڭ «باتىر مانشۇك»، HammAli & Navai، Jah Khalib «بوجە، كاك زاۆيدۋيۋ» اندەرىن ەفيرگە شىعارادى.
24 مامىردا 29 جاسقا تولعان كۇنى ديماش قۇدايبەرگەن جانكۇيەرلەرىنە جاڭا ءان مەن وعان بەينەبايان تارتۋ ەتتى. ونىڭ ايتۋىنشا، ديماش «Omir» كومپوزيسياسىن بارشا جانكۇيەرلەرىنە ارناعان.