ەل اۋماعىنا زاڭسىز اكەلىنگەن كىر جۋعىش ۇنتاق جويىلادى

2023 جىلعى ساۋىردە قازاقستان رەسپۋبليكاسىنىڭ اۋماعىنا جالپى سالماعى 5.5 توننا اريەل كىر جۋعىش ۇنتاعىنىڭ 1640 قاپتاماسى زاڭسىز يمپورتتالدى.

سەبەبى بۇل ءونىمنىڭ شىعۋ تەگى بەلگىسىز، ساپاسى كۇماندى. تاۋاردا Ariel كىر جۋعىش ۇنتاعىنىڭ بەلگىسى بار جانە ونى اكەلۋ ءۇشىن تاۋار بەلگىسىنىڭ قۇقىق يەسىنىڭ كەلىسىمى قاجەت. الايددا يمپورتتاۋشى مۇنداي كەلىسىمدى الماعان. وسىعان بايلانىستى مقد قىزمەتكەرلەرى ق ر اۋماعىنا تاۋار اكەلۋدى توقتاتتى، دەپ حابارلايدى Almaty-akshamy.kz.

الماتى قالاسىنىڭ ادىلەت دەپارتامەنتى جۇرگىزگەن كەلىسسوزدەر مەن قۇقىقتىق ءتۇسىندىرۋ جۇمىستارىنىڭ ناتيجەسىندە قۇقىق يەسى مەن يمپورتتاۋشى اراسىندا تاتۋلاسۋعا قول جەتكىزىلدى، ال تاۋار جويىلۋعا بەرىلدى.

سونداي-اق، سول يمپورتتاۋشى 600 بىرلىك دجيلەتت ۇستاراسىن اكەلدى. GILLETTE تاۋار بەلگىسىنىڭ قۇقىق يەسى دە مۇنداي ارەكەتكە كەلىسىم بەرگەن جوق. قازىرگى ۋاقىتتا بۇل تاۋارلار دا جويىلۋعا بەرىلدى.

بۇل تاۋار سەرتيفيكاتتالماعان، ونىڭ قاپتاماسى قازاقستان رەسپۋبليكاسىنىڭ اۋماعىندا قولدانىلاتىن تەحنيكالىق رەگلامەنتتەرگە سايكەس كەلمەيدى، ال وسى تاۋاردىڭ شىعۋ تەگى بەلگىسىز بولىپ تابىلادى. وسىعان بايلانىستى وسى تاۋاردى قازاقستان اۋماعىندا اينالىمعا شىعارۋ تۇتىنۋشىلارعا زيان كەلتىرۋ ءقاۋپىن تۋدىرۋى مۇمكىن.

زياتكەرلىك مەنشىك قۇقىقتارىن قورعاۋدى "ادىلەت ورگاندارى تۋرالى" زاڭعا سايكەس ادىلەت ورگاندارى جۇزەگە اسىرادى. بۇدان باسقا، ادىلەت ورگاندارىنا زياتكەرلىك مەنشىك قۇقىقتارىن قورعاۋ ماسەلەلەرى بويىنشا قۇقىقتىق ءتۇسىندىرۋ جۇمىستارىن جۇرگىزۋ فۋنكسياسى جۇكتەلگەن.