جاۋاپتى تۇلعالار تارتىپتىك جاۋاپقا تارتىلدى
ءومىر بويىنا كولىك جۇرگىزۋ قۇقىعىنان ايىرىلعان اتىراۋلىق كۋالىكتى قايتا العان، دەپ حابارلايدى Almaty-akshamy.kz قازاقپارات-قا سىلتەمە جاساپ.
اتىراۋ قالالىق پروكۋرورى ارشات ءتايتۋلليننىڭ ايتۋىنشا، ۋاكىلەتتى ورگاننىڭ كولىك باسقارۋ كۋالىكتەرىن بەرۋ زاڭدىلىعىنا تالداۋ جۇرگىزىلگەن. تالداۋ كەزىندە جولدا قۇقىق بۇزۋشىلىقتىڭ الدىن الۋ جانە ازاماتتاردىڭ قاۋىپسىزدىگىن قامتاماسىز ەتۋ باعىتى كوزدەلگەن. ناتيجەسىندە سوت ۇكىمىمەن كولىك باسقارۋ قۇقىعىنان ءومىر بويىنا ايىرىلعان تۇلعالارعا جۇرگىزۋشى كۋالىگىن قايتادان بەرۋ دەرەگى انىقتالىپ وتىر. وسىعان بايلانىستى پروكۋرورلىق قاداعالاۋ اكتىسى نەگىزىندە جاۋاپتى تۇلعالار تارتىپتىك جاۋاپقا تارتىلدى.
«سوت ۇكىمىمەن اتىراۋ قالاسىنىڭ تۇرعىنى كولىك جۇرگىزۋ قۇقىعىنان ءومىر بويىنا ايىرىلعان. الايدا، ونىڭ الماتى قالاسىنىڭ اكىمشىلىك پوليسيا باسقارماسى ارقىلى كولىك باسقارۋ كۋالىگىن زاڭسىز العانى انىقتالدى. وسى دەرەككە قاتىستى جيناقتالعان ماتەريالدار ءىس جۇرگىزۋ شەشىمىن قابىلداۋ ءۇشىن الماتى قالاسىنىڭ سىبايلاس جەمقورلىققا قارسى قىزمەتىنە جولداندى»، -دەيدى اتىراۋ قالاسىنىڭ پروكۋرورى ارشات تايتۋللين.