الماتىدان الاكولگە جاڭا پويىزدار جۇرەدى

بارلىعى بەس پويىز قاتىنايدى

"جولاۋشىلار تاسىمالى" اق "الماتى-2 – دوستىق" باعىتىندا قاتىنايتىن ەكى جولاۋشىلار پويىزىن ىسكە قوسادى، دەپ حابارلايدى Almaty-akshamy.kz "قتج" ۇق" اق باسپا ءسوز قىزمەتىنە سىلتەمە جاساپ.
تالگو ۆاگوندارىنان جاساقتالعان قۇرامدار الاكول باعىتىندا ءجۇرىپ تۇرادى.
№ 211/212 پويىزىنىڭ ءجۇرۋ جيىلىگى:
- الماتى-2 ستانسياسىنان قۇرام 2022 جىلعى 16 ماۋسىمنان 30 تامىزعا دەيىن جۇپ كۇندەرى جونەلتىلەدى. دوستىق ستانسياسىنان الماتىعا 2022 جىلعى 17 ماۋسىمنان 31 تامىزعا دەيىن تاق كۇندەرى جۇرەدى.
№ 453/454 پويىزىنىڭ ءجۇرۋ جيىلىگى:
- الماتى-2 ستانسياسىنان 2022 جىلعى 16 ماۋسىمنان 30 تامىزعا دەيىن سەيسەنبى، بەيسەنبى جانە جەكسەنبى كۇندەرى جولعا شىعادى. دوستىق ستانسياسىنان الماتىعا 2022 جىلعى 17 ماۋسىمنان 31 تامىزعا دەيىن دۇيسەنبى، سارسەنبى جانە جۇما كۇندەرى جۇرەدى.
جالپى بيىل الاكول باعىتىندا 11 پويىز جۇرەدى ("جولاۋشىلار تاسىمالى" اق – 9، جەكە تاسىمالداۋشىلار – 2)، ونىڭ ىشىندە:
- نۇر-سۇلتاننان – 3 پويىز؛
- الماتىدان – 5 پويىز؛
- شىعىس قازاقستان وبلىسىنان – 1 پويىز؛
- اباي وبلىسىنان – 1 پويىز؛
- قالاماڭى – 1 پويىز.