وميكرون-نيندزيا. كوروناۆيرۋستىڭ جاڭا شتامى تارالىپ جاتىر

ەكى جاعداي دا زەرتحانالىق تۇردە راستالدى

بەلارۋس رەسپۋبليكاسىندا كوروناۆيرۋستىڭ «وميكرون-نيندزيا» اتتى جاڭا شتامى انىقتالدى، دەپ حابارلايدى Almaty-akshamy.kz BAQ.KZ-كە سىلتەمە جاساپ.

COVID-19 تارالۋىنا جول بەرمەۋ جونىندەگى ۆاك تاراتقان مالىمەتكە سۇيەنسەك، مينسكى مەن ۆيتەبسك تۇرعىندارى جاڭا شتامدى جۇقتىرعان.   

«ەكى جاعداي دا زەرتحانالىق تۇردە راستالدى. ناۋقاستار ۆيرۋستى جەڭىل تۇردە وتكىزۋدە. «وميكرون-نيندزيا» اعزاعا تەز ەنىپ، يممۋنيتەتتى السىرەتەدى جانە انتيدەنەلەردى ەلەمەيدى. ونى جۇقتىرعان ءبىر ناۋقاس 12 ادامعا جۇقتىرۋى مۇمكىن. بۇل باسقا شتامدارعا قاراعاندا ەكى ەسە كوپ. وميكروننىڭ جاڭا كىشى ءتۇرى – وڭتۇستىك افريكادان مۋتاسيالانعان ۆيرۋستىڭ بەسىنشى جەلىسى. ءقازىر بۇل شتامم اقش پەن باتىس ەۋروپادا كەڭ تارالعان. "بۇل نەگىزىنەن تۇراقتى تۇردە مۋتاسياعا ۇشىرايتىن "وميكرون". سوندىقتان ءبىز كلينيكا بويىنشا اۋىرتپالىق پەن اعىمنىڭ اۋىرلىعى جاعىنان قانداي دا ءبىر ەرەكشە جاعدايلاردى كۇتپەيمىز. ەمنىڭ باستالۋ جىلدامدىعى، كونتاگيوزدىگى – ونىڭ باسقالاردان ايىرماشىلىعى. مۇندا ءبىز وميكرون شتامى بولعان كەزدەگى سوڭعى تولقىننان ول اۋرۋدىڭ اۋىرلىعى مەن اعىمىنىڭ جۇمساق ءتۇرىن تۋدىرعانىن كوردىك»، – دەپ اتاپ ءوتتى بەلارۋس ەلىنىڭ باس مەملەكەتتىك سانيتاريالىق دارىگەرى. 

دارىگەرلەر جاقىن ارادا اسىرەسە تاۋەكەل توبىنداعى ادامدارعا كوروناۆيرۋسقا قارسى ۆاكسيناسيالاۋدى جانە قايتا ۆاكسيناسيالاۋدى ۇسىنىپ وتىر.

اتالعان مەملەكەتتە حالىقتىڭ 70%-ى COVID-19-دان ەگىلگەن. ولاردىڭ 27%-ى قايتا ۆاكسيناسيادان ءوتتى. ەلدە بەس جاستان باستاپ كوروناۆيرۋسقا قارسى ۆاكسيناسيا جاسالادى. رەسەيلىك جانە قىتايلىق پرەپاراتتاردى قولدانۋدا.