ولجاس تۋرالى قىزىقتى بەس دەرەك

عالامدىق دەڭگەيدەگى مەتر، تۇركى الەمىنىڭ اڭىز ادامى ولجاس سۇلەيمەنوۆتىڭ ءبىز  بىلە بەرمەيتىن قىرلارى مەن ءحوببيى جايىندا قىزىقتى بەس مالىمەت.

ۇستىمىزدەگى جىلدىڭ مامىر ايىندا قازاقتىڭ اتاقتى اقىنى ولجاس سۇلەيمەنوۆ 85 جاسقا تولدى. وسى مەرەي تويعا وراي اقىننىڭ كوپ حالىق بىلە بەرمەيتىن قىرلارى بەلگىلى بولدى، دەپ حابارلايدى Almaty-akshamy.kz.

• ازيا ەڭبەگى ءۇشىن كەڭەستىك سەنزۋرا قۇرساۋىنا قاتتى تۇسكەن. ءتىپتى اتۋ جازاسىنا كەسىلە جازداعان. سول كەزدەگى قازاقستاننىڭ ءبىرىنشى حاتشىسى د.قونايەۆ كىتاپتى وداق باسشىسى ل.برەجنيەۆكە وقىتىپ، اقىندى اراشالاپ قالادى.
• ول كوشباسشىسى بولعان «نيەۆادا-سەمەي» قوزعالىسى (1989 جىل) بۇكىل دۇنيەجۇزىندەگى 5 پوليگوننىڭ جابىلۋىنا ىقپال ەتىپ، ادامزات تاريحىنداعى  جاپپاي قىرىپ جويۋ قارۋىنان باس تارتۋعا نەگىز بولدى.
• الەمدىك دارەجەدەگى شايىردىڭ ءحوببيى – ۆولەيبول. قوعام قايراتكەرى «ۆولەيبول – ينتەلليگەنسيا ويىنى» دەپ باعالايدى. اتالعان سپورت تۇرىنەن ءوز كومانداسى بار جانە ءوزى سونىڭ كاپيتانى. ءتىپتى قازىرگى تاڭعا دەيىن قۇمارتۋشىلىعى ازايماعان. ۆولەيبولدان ءداستۇرلى تۋرنير وتكىزىلىپ تۇرادى. جارىستىڭ جۇلدەسىن ءوزى تاعايىندايدى.
• ولجاس ومار ۇلى 1977-1995 جىلدار ارالىعىندا قازاقستان شاحماتشىلار قاۋىمداستىعىنىڭ ءتوراعاسى بولدى. شاحمات ونىڭ ەڭ سۇيىكتى ويىنى.
• ەڭ قىزىعى ونىڭ «1001 ءسوز» اتتى زەرتتەۋى ءالى كۇنگە جارىققا شىقپاعان. بۇنىڭ جازىلىپ كەلە جاتقانىنا 40 جىلدان استام ۋاقىت وتكەن.