پورە مانسابىندا جەتىنشى رەت جەڭىلىسكە ۇشىرادى
لاس-ۆەگاستا (نيەۆادا، اقش) T-Mobile ارەناسىندا UFC 269 ءتۋرنيرىنىڭ باستى شايقاسى برازيليالىق فايتەر چارلز وليۆەيرا (31-8) مەن امەريكالىق داستين پورە (28-6) اراسىندا ءوتتى، دەپ حابارلايدى Almaty-akshamy.kz Prosports.kz-كە سىلتەمە جاساپ.
وليۆەيرا ءوزىنىڭ جەڭىل سالماقتاعى UFC چەمپيونى تيتۋلىن باسكە تىكتى. بەس راۋندقا جوسپارلانعان جەكپە-جەك بۇكىل قاشىقتىققا سوزىلمادى، ءۇشىنشى راۋندتا وليۆەيرانىڭ جەڭىسىمەن اياقتالدى.چارلز قىلقىندىرۋ ءادىسىن پايدالاندى.
وسىلايشا، چارلز مما-دا 32ء-شى جەڭىسىنە قول جەتكىزىپ، بەلبەۋىن ساقتاپ قالدى. پورە مانسابىندا جەتىنشى رەت جەڭىلىسكە ۇشىرادى.
ەسكە سالا كەتەيىك، بۇعان دەيىن رەسەيلىك حابيب نۋرماگومەدوۆ (29-0) وسى ديۆيزيوندا چەمپيون اتاعىن يەلەنگەن.