سەرىكتەستىك اياسىندا ايگىلى قازاقستاندىق شوكولادتىڭ شەكتەۋلى پارتياسى شىعارىلدى.
پاريجدەگى وليمپيادا ويىندارىنىڭ قارساڭىندا قازاقستان ۇلتتىق وليمپيادالىق كوميتەتى مەن وتاندىق «بايان سۇلۋ» كونديتەرلىك فابريكاسى قۇراماعا قولداۋ كورسەتۋ ماقساتىندا كوللابوراسيا جاسادى، دەپ حابارلايدى Almaty-akshamy.kz
كونديتەرلىك ءونىمنىڭ قاپتاماسى پاريجدەگى وليمپيادا ويىندارىنا ارنايى دايىندالعان سپورت تاقىرىبىنداعى وزىندىك ديزاينمەن ارلەنگەن.
«ءبىز ءۇشىن سپورتشىلارىمىزدى بارلىق ءىرى جارىستا قولداۋدان بولەك، ەلىمىزدىڭ مادەنيەتى مەن قوناقجايلىلىعىن الەمگە دارىپتەۋ دە ماڭىزدى. اتلەتتەرىمىز جارىستا ۇنەمى وزىمەن الىپ جۇرەتىن ءداستۇرلى سىيلىق - قازاقستاندىق شوكولاد وليمپيادا قارساڭىندا ارنايى جاڭا قاپتاماعا ورالدى. ءبىزدىڭ «بايان سۇلۋ» كونديتەرلىك فابريكاسىمەن بىرلەسە جاساعان بۇل كوللابوراسيامىز ۇلتتىق برەندىمىزدى حالىقارالىق الاڭدا تانىتىپ قانا قويماي، وزگە ەلدەرمەن دوستىق قارىم-قاتىناستى نىعايتارىنا دا سەنىمدىمىن. ويتكەنى، وليمپيادا ويىندارى ەڭ الدىمەن بار الەمدى بىرىكتىرەتىن الاڭ»، - دەدى قازاقستان ۇوك باس حاتشىسى جانار ۋتەشيەۆا.
«وليمپيادالىق» شوكولادتىڭ ارنايى پارتياسى ەل قۇراماسىمەن بىرگە پاريجگە اتتانادى. سپورتتىق دەلەگاسيا وكىلدەرى شوكولادتى وزگە ەل قاتىسۋشىلارىمەن ءبولىسۋ ارقىلى ولارعا ايگىلى قازاق قوناقجايلىلىعىنىڭ ءبىر بولىگىن كورسەتپەك.
«بايان سۇلۋ» كونديتەرلىك فابريكاسى ۇلتتىق ءوندىرۋشى رەتىندە سپورت، سالاۋاتتى ءومىر سالتى، وتباسى ينستيتۋتى، وتباسىلىق قۇندىلىقتار مەن ءوزىن-وزى جەتىلدىرۋ جانە رۋحاني دامۋدى قولدايدى.
ال وليمپيادالىق ديزاينداعى شوكولادتاردىڭ شەكتەۋلى سەرياسىن دايىنداۋ ارقىلى قازاقستان ۇوك-پەن بىرگە جۇزەگە اسقان بۇل كوللابوراسيا قولداۋىمىزدىڭ ورگانيكالىق كورىنىسىنە اينالدى.
«بايان سۇلۋ» كونديتەرلىك فابريكاسى شىعارعان شەكتەۋلى وليمپيادالىق كوللەكسيا پاريجدەگى جازعى وليمپيادا ويىندارىنا قاتىساتىن ءبىزدىڭ سپورتشىلارىمىزدى قولداۋ سيمۆولى بولماق»، - دەيدى «بايان سۇلۋ» اق باسقارما باسشىسى ءارى پرەزيدەنتى تيمۋر سادىقوۆ.