جاھان جۇرتى كوز تىگەتىن حالىقارالىق توكيو-2020 وليمپياداcى ويىندارى جاپونيادا الاۋىن جاققالى تۇر. وليمپيادا تاريحىنا شولۋ جاسايىق!
العاشقى تاريحى
ەجەلگى وليمپيادا ويىندارى گرەكيانىڭ وليمپ تاۋىندا وتكىزىلگەندىكتەن سولاي اتالعان. العاشقىدا جالعىز سپورت ءتۇرى مارافون عانا بولعان. ءاۋ باستا ءادىل ءوتۋى ءۇشىن قاتىناسۋشىلار جالاڭاشتانىپ جۇگىرگەن. بۇعان تەك ەرلەر قاتىسقان. ايەلدەر كيىمسىز اتلەتتەردى كورۋگە رۇقسات ەتىلمەگەن. قاتتى قىزىققاندارى ەرلەرشە كيىنىپ، امفيتەاترلارعا كىرىپ كەتكەن.
ءسونىپ، قايتا جاندى
تاريحي دەرەكتەرگە سۇيەنسەك، ءبىزدىڭ زامانىمىزدىڭ 393 جىلى يمپەراتور تەودوزيس ەش سەبەپسىز تيىم سالعان. ارادا 1500 جىل ۋاقىتتان سوڭ، 1890 جىلى، پەر دە كۋبەرتەن ەسىمدى فرانسۋزدىڭ ارقاسىندا قايتا جانداندى. ءسويتىپ، 60 ايدان كەيىن جاڭا قارقىنمەن گرەكيانىڭ افيناسىندا باستالدى.
تۇڭعىش ايەل قاتىستى
العاشقى ايەل قاتىسۋشى 1928 جىلى امستەردامدا تىركەلگەن. ال لوندوندا بولعان سايىستا نازىك جاندىلار سپورتتىڭ بارلىق سالاسىنان ب ا ق سىنادى. 2012 جىلى نيكولا ادامس ەسىمدى بريتاندىق بوكسشى ايەلدەر اراسىنداعى التىندى ءبىرىنشى رەت يەلەندى.
مەدالدار
وليمپيادالىق جۇلدەنى ارنايى ۇيىمداستىرۋشى كوميتەت ءاربىر ءداستۇرلى جارىسقا ارناپ جاسايدى. ءارقايسىنىڭ قالىڭدىعى كەم دەگەندە 3 جانە ديامەترى 60 ميلليمەتردى قۇراۋى قاجەت. سونداي-اق، كۇمىس مەدال 92،5 پايىزدىق كۇمىستەن جاسالادى. ال التىن مەدال 6 گراممەن قاپتالادى.
وزگەرمەگەن رەكورد
امەريكاندىق جۇزگىش مايكل فەلپس وليمپيادا تاريحىندا العان مەدالدار سانى بويىنشا رەكوردتى يەلەندى.ول - 22 مەدال العان! ءالى كۇنگە دەيىن بۇل ايرىقشا جەڭىستى ەشكىم جاڭارتپاعان.