فرانسيا استاناسى پاريج قالاسىندا وتەتىن ءحححىىى جازعى وليمپيادا ويىندارىنىڭ جەڭىمپازدارى مەن جۇلدەگەرلەرىن ماراپاتتاۋ ءراسىمى وتەتىن ارنايى ورىن بەلگىلى بولدى، دەپ حابارلايدى اlmaty-akshamy.kz.
PARIS2024 Kazakhstan تەلەگرام كانالىندا اتاپ وتكەندەي، ەيفەل مۇناراسىنىڭ ەتەگىندەگى تروكادەرودا ورنالاسقان چەمپيوندار ساياباعى وليمپيادا ويىندارىنىڭ جەڭىمپازدارى مەن جۇلدەگەرلەرىنىڭ جەتىستىكتەرىن اتاپ وتۋگە ارنالعان ايماق بولماق. ساياباق الەمنىڭ تۇكپىر-تۇكپىرىنەن كەلگەن سپورت جانكۇيەرلەرىنىڭ كەزدەسۋ ورنىنا اينالماق.
«جازعى ويىندار تاريحىندا العاش رەت بارلىق مەدال يەگەرى مىڭداعان جانكۇيەرمەن كەزدەسۋگە شاقىرىلادى تروكادەرو - ءپاريجدىڭ قاق ورتاسىندا، بارلىعىنا قول جەتىمدى كەرەمەت جەر، كۇن سايىن چەمپيوندار ساياباعىندا سول كۇننىڭ جەڭىمپازدارى قۇرمەتكە بولەنەدى. ولار شەرۋگە قاتىسىپ، جينالعان كوپشىلىكپەن بىرگە اشىق اسپان استىندا وزدەرىنىڭ جەڭىستى ساتتەرىنەن جيناقتالعان بەينە ۇزىندىلەردى تاماشالايدى»، - دەلىنگەن حابارلامادا.
سونىمەن قاتار، باعدارلامادا ارتيستەردىڭ قويىلىمدارى مەن مادەني ءىس-شارالار بار. ولار چەمپيوندار ساياباعىن تەك سپورت مەرەكەسىنىڭ ورنىنا ەمەس، ويىن-ساۋىق ءۇشىن تولىققاندى، امبەباپ الاڭعا اينالدىرماق.
ەستەرىڭىزگە سالا كەتەيىك، قازىرگى تاڭدا ءتورتجىلدىق دوداعا جولداما جەڭىپ العان قازاقستاندىق سپورتشىلارىمىز سوڭعى وقۋ-جاتتىعۋ جيىندارىن وتكىزىپ جاتىر. قازاقستان قۇراماسى وليمپيادا ويىندارىنا سپورتتىڭ 25 تۇرىنەن 80 جولداما جەڭىپ الدى. ناقتىراق ايتساق، بوكس، دزيۋدو، سپورتتتىق گيمناستيكا، جەڭىل اتلەتيكا، بايداركا مەن كانوەدە ەسۋ، وقپەن اتۋ، سەمسەرلەسۋ، گرەك-ريم كۇرەسى، ەركىن كۇرەس، ساداق اتۋ، ستەندتىك اتۋ، تەننيس، ۆەلوشوسسە، ءجۇزۋ، زاماناۋي بەسسايىس، تاەكۆوندو، ۆەلوترەك، باتۋت گيمناستيكاسى، بادمينتون، اكادەميالىق ەسۋ، كوركەم گيمناستيكا، ترياتلون، ۇستەل تەننيسى، قۇزعا شىعۋ جانە برەيكينگتەن وليمپيادا ويىندارىندا سىنعا تۇسەدى.
فرانسيا استاناسى پاريج قالاسىندا وتەتىن XXXIII جازعى وليمپيادا ويىندارى 26 شىلدە مەن 11 تامىز ارالىعىندا وتەدى. ويىندارعا الەمنىڭ 205 ەلىنەن 10 500 سپورتشى قاتىسادى دەپ جوسپارلانعان. وندا 32 سپورت تۇرىنەن 329 مەدال جيىنتىعى ساراپقا سالىنادى.