اۋىر سالماقتاعى ايقاس ون راۋندقا ەسەپتەلگەن بولاتىن
2020 جىلعى وليمپيادا چەمپيونى باحودير دجالولوۆ (12-0، 12 كو) كاسىپقويداعى كەزەكتى ايقاسىن وتكىزدى، دەپ حابارلايدى Almaty-akshamy.kz Vesti.kz-كە سىلتەمە جاساپ.
اقش-تىڭ كارسون قالاسىندا وتكەن ايقاستا ول امەريكالىق كەرتيس حارپەرمەن (14-9، 9 كو) جۇدىرىقتاستى.
اۋىر سالماقتاعى ايقاس ون راۋندقا ەسەپتەلگەن بولاتىن، ءبىراق تورتىنشىسىندە اياقتالدى. دجالولوۆ قارسىلاسىن ءبىر سوققىمەن قۇلاتتى. حارپەر اياققا تۇرعانىمەن، تورەشى جەكپە-جەكتى توقتاتۋ تۋرالى شەشىم شىعاردى. كەرتيس ءۇشىنشى راۋندتا دا ءبىر قۇلاپ العان بولاتىن.
ەسكە سالايىق، دجالولوۆ 2019 جىلى الەم چەمپيونى جانە ءۇش رەت (2017، 2019، 2021) ازيا چەمپيونى اتانعان.