ەكىباستۇز تۇرعىندارى جىلۋسىز قالدى

Gismeteo مالىمەتىنشە، بۇگىن ەكىباستۇزدا اۋا تەمپەراتۋراسى 31 گرادۋسقا دەيىن تومەندەيدى

ەكىباستۇزدا جىلۋ ەلەكتر ورتالىعىنداعى بىرنەشە قازاناگرەگات توقتاپ، تۇرعىندار جىلۋسىز قالدى، دەپ حابارلايدى Almaty-akshamy.kz Tengrinews.kz-كە سىلتەمە جاساپ.

كومپانيا حابارىنا قاراعاندا، 27 قاراشادا ساعات 01:20-دا №11 قازاناگرەگات توقتاپ قالعان. ساعات 01:30-دا جەلىلىك سۋدىڭ كوپ شىعىندالۋىنا بايلانىستى №13، 14، 15 قازاندىق اگرەگاتتارى جۇمىس ىستەمەي قالدى.

"قازىرگى ۋاقىتتا №8 جانە №14 قازاناگرەگاتتارى ىسكە قوسىلىپ جاتىر. جوندەۋ بريگادالارى ۇيىمداستىرىلدى. جاقىن ارادا پارامەترلەرى قالپىنا كەلتىرىلەدى. قالا، وبلىس، "پاۆلودارەنەرگو" اق جاعدايدى تۇراقتاندىرۋ ءۇشىن بارلىق قاجەتتى قولداۋ كورسەتىپ جاتىر"، - دەلىنگەن حابارلامادا.

كوممۋنالدىق قىزمەت جاعدايدى ۋشىقتىرماۋ ءۇشىن قالا تۇرعىندارىنان جەلىلىك سۋدى اعىزباۋدى سۇرادى. 

"قۇبىرلار تولىعىمەن سالقىنداپ، ءۇي جالپى جىلۋ جۇيەسىنەن اجىراتىلعان جاعدايدا عانا جۇيەدەن جەلىلىك سۋدى اعىزۋ قاجەت"، - دەپ ءتۇسىندىردى "ەكىباستۇزجىلۋەنەرگو" وكىلدەرى.

زالال تۋرالى اقپاراتتى +7 701 705 49 57 نومىرىنە ديسپەچەرلىك What’sApp قىزمەتىنە دەرەۋ جىبەرۋ قاجەت.

"قازىرگى تاڭدا تۇرعىنداردىڭ جىلۋمەن قامتۋ جاعدايىن تۇراقتاندىرۋداعى باستى كومەگى - جىلۋ جەلىلەرىنىڭ زاقىمدانۋى تۋرالى اقپارات. ىسكە قوسىلعاننان كەيىن تۇرعىندارعا جىلۋ قۇبىرلارىن تارتۋ جانە اقاۋلاردى جويۋ بويىنشا كومەك قاجەت بولادى"، - دەپ تۇيىندەدى كوممۋنالدىق قىزمەت وكىلدەرى.

ايتا كەتەيىك، Gismeteo مالىمەتىنشە، بۇگىن ەكىباستۇزدا اۋا تەمپەراتۋراسى 31 گرادۋسقا دەيىن تومەندەيدى.