XXIV قىسقى وليمپيادا ويىندارى بەيجىڭدە 2022 جىلدىڭ 4-20 اقپانى ارالىعىندا وتەدى.
وليمپيادا ويىندارىن ۇيىمداستىرۋ كوميتەتىنىڭ مالىمەتىنشە، 2022 جىلعى XXIV قىسقى وليمپيادا ويىندارىنىڭ الاۋى سارسەنبى كۇنى افينىدان قحر استاناسىنا جەتكىزىلدى، دەپ حابارلايدى Almaty-akshamy.kz
وليمپيادا ويىندارى ۇيىمداستىرۋ كوميتەتىنىڭ دەلەگاسياسى مىنگەن ۇشاق سارسەنبى كۇنى تاڭەرتەڭ جۇڭگو استاناسىنداعى «شوۋدۋ» حالىقارالىق اۋەجايىنا توقتادى.
«قۇس ۇياسى» ۇلتتىق ستاديونىنىڭ جانىندا ورنالاسقان وليمپيادا مۇناراسىندا الاۋدى قارسى الۋ شاراسى ءوتتى. وليمپيادا الاۋى الدىمەن بەيجىڭدەگى وليمپيادا مۇناراسىنا قويىلادى، كەيىن قىتايدى ارالاپ شىعۋ ءۇشىن تۋرنەگە اتتانادى.
الايدا فاكەلدىك ەستافەتا اۋقىمى كوروناۆيرۋسقا بايلانىستى قىسقارادى. 2022 جىلدىڭ 2-4 اقپانى ارالىعىندا قىسقى وليمپيادا ويىندارىنىڭ ءۇش سايىس اۋماعىندا – بەيجىڭدە، يانسيندە جانە چجانسزياكوۋدە 1200 الاۋگەردىڭ قاتىسۋىمەن ەستافەتانىڭ اقتىق كەزەڭى وتەدى.
