وليگارحتاردان تاركىلەنگەن قىمبات زاتتار ساتىلدى

ەلەكتروندىق ساۋدا الاڭىندا تاركىلەنگەن 17 زات اۋكسيونعا شىعارىلدى، دەپ حابارلايدى aqshamnews.kz

ساۋدا ناتيجەسىنە سايكەس قازاقستاندىقتار مىنا زاتتاردى ساتىپ العان:

«Eco Swis» قول ساعاتى – 97 447 تەڭگەگە؛
«Troops of Chinggis Khan» كوللەكسيالىق مونەتاسى – 153 867 تەڭگەگە؛
قازاقى ويۋى بار ساقينا – 85 065 تەڭگەگە.
الايدا قالعان 14 زات ساتىلماي قالدى. ولاردىڭ قاتارىندا:

«Ulysse Nardin Classic 789-80» قول ساعاتى – 150 117 236 تەڭگەگە؛
گاۋھار تاستى اشەكەي بۇيىمدار جيىنتىعى (ەكى سىرعا، القا، ەكى ساقينا) – 59 864 045 تەڭگەگە؛
«Frank Muller Geneve» قول ساعاتى – 20 490 230 تەڭگەگە.
قايتادان ساۋداعا شىعارىلادى

اۋكسيون ەرەجەسىنە سايكەس، ساتىلماعان لوتتار قايتادان ساۋداعا شىعارىلادى. ۇيىمداستىرۋشىلار باعانى تومەندەتۋ ارقىلى ساتۋعا ۇمىتتەنىپ وتىر. سوندىقتان بۇل ليۋكس زاتتار تاعى دا اۋكسيونعا ءتۇسۋى ابدەن مۇمكىن.

تاركىلەنگەن مۇلىكتەر

بۇعان دەيىن اۋكسيوندا قاڭتار وقيعاسىنان كەيىن مەملەكەتتىك وپاسىزدىق ءۇشىن سوتتالعان بۇرىنعى ۇقك ءتوراعاسى كارىم ماسىموۆتەن تاركىلەنگەن مۇلىكتەردىڭ ساتىلىپ جاتقانى بەلگىلى بولعان. 37 لوتتىڭ 21ء-ى ساتىلىپ، جالپى سوماسى 10،5 ملن تەڭگەدەن اسقان.