بالالاردىڭ وتپەن ويناپ، ءورتتىڭ شىعۋىنا سەبەپ بولعان.
12 اقپاندا ساعات 18:24-تە الماتى وبلىسى تجد كەزەكشى بولىمىنە قونايەۆ قالاسىندا 4 قاباتتى كوپپاتەرلى ۇيدە پاتەردىڭ جانعانى تۋرالى حابارلاما كەلىپ ءتۇستى، دەپ حابارلايدى Almaty-akshamy.kz الماتى وبلىسى تجد باسپا ءسوز قىزمەتىنە سىلتەمە جاساپ.
وقيعا ورنىنا دەرەۋ الماتى وبلىسى تجد قىزمەتكەرلەرى جىبەرىلدى. ءورت ورنىنا كەلگەننەن كەيىن كىر جۋعىش ماشينا مەن اس ءۇيدىڭ قابىرعاسىنداعى ءتۇسقاعازدىڭ، سونداي-اق جاتىن بولمەدەگى كەرەۋەتتىڭ جالپى اۋدانى 3 شارشى مەتر اۋماقتا جانعانى انىقتالدى.
قابىلدانعان شارالاردىڭ ناتيجەسىندە ءورت ساعات 18:35-تە ءسوندىرىلدى. ءورت ءسوندىرۋ بولىمشەلەرى كەلگەنگە دەيىن جەدەل جاردەم قىزمەتكەرلەرى 2019 جانە 2014 جىلى تۋعان ەكى بالانى قونايەۆ قالاسىنىڭ اۋرۋحاناسىنا جەتكىزدى. سونداي-اق، 19 ادام، ونىڭ ىشىندە 8 بالا ءوز بەتىنشە ەۆاكۋاسيالاندى.
وقيعا ورنىنا الماتى وبلىسى تجد 7 قىزمەتكەرى مەن 2 بىرلىك تەحنيكاسى، جەدەل مەديسينالىق جاردەم قىزمەتىنىڭ 6 قىزمەتكەرى جانە 2 بىرلىك تەحنيكاسى، پوليسيا دەپارتەنتىنىڭ 7 قىزمەتكەرى جانە 2 بىرلىك تەحنيكاسى شىقتى.
الماتى وبلىسىنىڭ تجد تۇرمىستىق ءورت قاۋىپسىزدىگى شارالارىن ساقتاۋدىڭ ماڭىزدىلىعىن ەسكە سالادى جانە بالالاردى ەرەسەكتەردىڭ قاراۋىنسىز قالدىرماۋلارىڭىزدى سۇرايدى. ءورتتى ابايسىز پايدالانۋ ورتكە اكەلۋى مۇمكىن.