وفيسەرلەر ءۇيىن جوندەۋگە جانە پليتكالاردىڭ الىنىپ تاستالعانىنا الماتى اكىمدىگىنىڭ ەشقانداي قاتىسى جوق، دەپ حابارلايدى Almaty-akshamy.kz
مەدەۋ اۋدانىنىڭ اكىمى ەركەبۇلان ءورازاليننىڭ پىكىرى:_
مەن 28 گۆارديالىق-پانفيلوۆشىلار اتىنداعى ساياباعىنىڭ شىعىس جاعىندا ورنالاسقان وفيسەرلەر ءۇيى عيماراتىنىڭ الدىنداعى بولشەكتەلگەن پليتكالارعا قاتىستى الەۋمەتتىك جەلىلەردەگى ۆيدەولارعا تۇسىنىكتەمە بەرگىم كەلەدى.
ايتا كەتەرلىگى، الماتى قالاسىنىڭ اكىمدىگى بۇل عيماراتتىڭ تەڭگەرىم ۇستاۋشىسى ەمەس، ول قورعانىس مينيسترلىگىنىڭ ۆەدومستۆولىق باعىنىستى ۇيىمىنىڭ مەنشىگىندە. ءتىپتى، اكىمدىك ءجۇرىپ جاتقان جۇمىستارعا تاپسىرىس بەرۋشى دە ەمەس.
سونىمەن قاتار، ءبىز باستاپقىدا جوسپارلانعان جوندەۋ تۋرالى وفيسەرلەر ءۇيىنىڭ عيماراتىنا قارايتىن جەرتولە شاتىرىندا ءجۇرىپ جاتقان اعىمداعى جۇمىستار تۋرالى بىلەمىز. جوندەۋ جۇمىستارى اياقتالعان سوڭ پليتكالاردى قايتا ورىندارىنا قويۋ جوسپارلانعان.
ونىڭ جاسىل ايماققا ۇقىپسىز قويىلۋىنا بايلانىستى بۇگىن مەردىگەرلىك ۇيىمعا اكىمشىلىك ايىپپۇل سالىندى. ەندى ونى جاياۋ جۇرگىنشىلەر بولىگىنە مۇقيات اۋىستىرىپ، الداعى كۇندەرى ونى توسەۋگە كىرىسەدى.
بارلىق الماتىلىقتارعا ايتارىم، مۇنداي بەينەۇندەۋلەردى جاريالاماس بۇرىن، ءجۇرىپ جاتقان جۇمىستار تۋرالى شىنايى اقپارات الۋ ءۇشىن اكىمدىككە حابارلاسۋدى وتىنەمىن.