Daily Mail اقپاراتى بويىنشا، قاتەرلى ىسىك جىلدان-جىلعا «جاسارىپ» كەلە جاتىر.
كەيىنگى 30 جىلدا 50 جاسقا دەيىن ونكوپاتولوگيا دياگنوزى قويىلعان ادامداردىڭ سانى 80%-عا وسكەن، دەپ حابارلايدى Almaty-akshamy.kz
امەريكالىق BMJ Oncology قاۋىمداستىعى قاتەرلى ىسىك اۋرۋلارىن بولدىرماۋعا كومەكتەسەتىن كۇندەلىكتى ادەتتەر تۋرالى ايتتى.
سوندىقتان ماماندار قاتەرلى ىسىك ءقاۋپىن بارىنشا ازايتۋعا مۇمكىندىك بەرەتىن مىناداي ءبىرقاتار كەڭەس ۇسىنادى:
ارتىق سالماقتان قۇتىلۋ
اسىرەسە بەلدەگى جينالعان ارتىق مايلار ءقاۋىپتى بولىپ كەلەدى. ۆيسەرالدى سەمىزدىك وسىلاي كورىنەدى. بۇل جاعدايدا نورمادان ءسال اۋىتقۋ بولسا دا ساق بولعان ءجون. دارىگەرلەر جاستاردىڭ ارتىق سالماق قوسۋىن ەگدە جاستاعى ادامدارعا قاراعاندا ۋلترا وڭدەلگەن تاعامداردى، قانت پەن زياندى مايلارعا باي تاعامداردى تۇتىنۋىمەن بايلانىستىرادى.
فيزيكالىق بەلسەندىلىك
ورتاشا فيزيكالىق بەلسەندىلىك ءارقاشان تەك پايدالى. دارىگەرلەردىڭ ايتۋىنشا، قاتەرلى ىسىكتىڭ الدىن الۋعا، اسىرەسە ءجۇزۋ، سەرۋەندەۋ جانە تەننيس كوبىرەك پايدالى. جاتتىعۋ يممۋندىق جۇيەنى نىعايتۋعا مۇمكىندىك بەرەدى.
تاماقتانۋ ادەبى
اعزاعا كوكونىستەردىڭ، جەمىس-جيدەكتەردىڭ جەتىسپەۋشىلىگى ايتارلىقتاي ءرول اتقارادى. سونداي-اق فاست-فۋد پەن وزگە دە زياندى تاعامداردى شامادان كوپ تۇتىنۋ – قاتەرلى ىسىككە باستار جولداردىڭ ءبىرى.
سۋسىنداردى دۇرىس تاڭداۋ
بۇل رەتتە قۇرامىندا قانت مولشەرى كوپ، گازدالعان سۋسىنداردان باس تارتۋعا كەڭەس بەرىلەدى.
زياندى زاتتارعا جولاماۋ
مۇنىمەن قوسا، دارىگەرلەر ادامزاتتى كۇن ساۋلەسىنىڭ شابۋىلىنان ساق بولۋعا، ىشىمدىك پەن شىلىمعا اۋەس بولماۋعا شاقىرادى.