رەسەيلىك ديەتولوگ قىسقاتولقىندى پەشپەن جىلىتۋدا پلاستيك ىدىس قولدانۋدىڭ ءقاۋپىن ايتتى
قىسقاتولقىندى پەشپەن استى جىلىتۋ كەزىندە پلاستيك ىدىس قولدانۋ دەنساۋلىق ءۇشىن اسا ءقاۋىپتى. ونىڭ زيانى جايلى رەسەيلىك ديەتولوگ ناتاليا كرۋگلوۆا ايتتى، دەپ حابارلايدى Almaty-akshamy.kz ءتىلشىسى ريا نوۆوستيعا سىلتەمە جاساپ.
قىسقاتولقىندى پەشتە پلاستيك ىدىستى قولدانۋ كەيبىر ونكولوگيالىق اۋرۋلاردىڭ دامۋىنا اكەلۋى مۇمكىن، دەيدى ديەتولوگتار مەن نۋتريسيولوگتاردىڭ ۇلتتىق قاۋىمداستىعىنىڭ مۇشەسى ناتاليا كرۋگلوۆا.
«ىدىسقا زياندى قوسىلىستاردىڭ ءتۇسۋ ءقاۋپى بار. ەگەر بۇل ءبىر رەت ورىن السا، وندا ايتارلىقتاي اسەر ەتۋى ەكىتالاي. پلاستيكالىق ونىمدەردەن اسقا وتەتىن زاتتار ىقتيمال كانسەروگەندەر بولىپ تابىلادى. سوندىقتان مۇنداي ىدىستا تاماقتى ۇنەمى جىلىتۋدىڭ قاجەتى جوق»، - دەپ تولىقتىردى ول.