سەنات دەپۋتاتى، پارلامەنتتەگى «ءبىر ەل – ءبىر مۇددە» دەپۋتاتتىق توبىنىڭ جەتەكشىسى نۇرتورە ءجۇسىپالماتى قالالىق قازاقستان حالقى اسسامبلەياسىنىڭ اكتيۆىمەن، ەتنومادەني بىرلەستىكتەردىڭ وكىلدەرىمەن جانە قالالىق ءماسليحات دەپۋتاتتارىمەن رەسمي كەزدەسۋ وتكىزدى.
قۇتتىقتاۋ سوزىندە نۇرتورە ءجۇسىپ بۇگىنگى تاڭدا قوعامدىق بىرلىك بۇرىن-سوڭدى بولماعان دارەجەدە ۇلتتىڭ ۇيىتقىسى عانا ەمەس، مەملەكەتتىڭ ءومىر ءسۇرۋى مەن دامۋىنىڭ ستراتەگيالىق شارتى ەكەنىن ەرەكشە اتاپ ءوتتى. الەمدى گەوساياسي تۇراقسىزدىق، بىرەگەيلىك داعدارىسى، كوشى-قون تولقىندارى مەن راديكالدى كوزقاراستاردىڭ كۇشەيۋى جايلاعان قازىرگى كەزەڭدە ىشكى بىرلىك پەن ءوزارا قۇرمەتتى ساقتاۋ ەرەكشە ماڭىزدى. سونىمەن قاتار، ەتنوسارالىق جانە كوپكونفەسسيالى مەملەكەت رەتىندە قازاقستان قوعامدىق بىرلىكتى نىعايتۋدى جۇيەلى تۇردە قاراستىراتىن جاڭا سىن-قاتەرلەرگە تاپ بولىپ وتىر.
وسى تۇرعىدا قازاقستان حالقى اسسامبلەياسى بىرەگەي قوعامدىق-ساياسي ينستيتۋت قانا ەمەس، ەلدىڭ تۇراقتى دامۋىن قامتاماسىز ەتەتىن جانە ادىلەتتى قازاقستاندى – ءاربىر ازامات ءوزىن قورعالعان، قوعام ومىرىنە قاتىسۋشى ءارى ماڭىزدى تۇلعا رەتىندە سەزىنەتىن مەملەكەتتى قۇرۋعا باعىتتالعان ستراتەگيالىق تەتىك رەتىندە دە تانىلادى.
«بۇگىندە ءبىز ادىلەتتى قازاقستاندى – ءاربىر ادام ءوزىن ءبىرتۇتاس قوعامنىڭ اجىراماس بولىگى، قۇرمەتكە لايىق ءارى قاجەت تۇلعا رەتىندە سەزىنەتىن ەلدى – قۇرىپ جاتىرمىز. بۇل تاريحي ۇدەرىستە قازاقستان حالقى اسسامبلەياسى تەك كونسۋلتاتيۆتىك ورگان عانا ەمەس، ول – ۇلتتىق كەلىسىمنىڭ سيمۆولى، مورالدىق جانە يدەولوگيالىق وزەك، تۇراقتىلىقتىڭ ستراتەگيالىق رەسۋرسى جانە بولاشاقتىڭ كەپىلى. قازاقستان حالقى اسسامبلەياسىن قولداۋ جانە دامىتۋ ارقىلى ءبىز تەك ەتنوسارالىق تاتۋلىقتى نىعايتىپ قانا قويماي، قازىرگى جاعدايدا ەگەمەن، قۋاتتى جانە ادىلەتتى قازاقستاننىڭ نەگىزىن قالايمىز»، – دەدى نۇرتورە ءجۇسىپ.
سونىمەن قاتار، ارىپتەستەرىمەن اڭگىمە جانە پىكىر الماسۋ بارىسىندا دەپۋتات نۇرتورە ءجۇسىپ ەتنوسارالىق كەلىسىمدى نىعايتۋعا باعىتتالعان ينستيتۋتتاردىڭ كونستيتۋسيونالدى جۇمىسىنىڭ ەرەكشە ماڭىزدى ەكەنىن اتاپ ءوتتى. وسىنداي ينستيتۋتتاردىڭ ءبىرى – قازاقستان رەسپۋبليكاسى پارلامەنتىندەگى «ءبىر ەل – ءبىر مۇددە» دەپۋتاتتىق توبى.
«قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ ەل بىرلىگى – قۋاتتى مەملەكەتتىڭ ىرگەتاسى ەكەنىن ۇنەمى اتاپ كورسەتىپ كەلەدى. وسى تۇرعىدا «ءبىر ەل – ءبىر مۇددە» سياقتى دەپۋتاتتىق بىرلەستىكتەردىڭ ۇلەسى ايرىقشا ماڭىزعا يە. ولار پارلامەنتتەگى حالىق وكىلدەرى عانا ەمەس، قوعامنىڭ ءتۇرلى الەۋمەتتىك، ەتنيكالىق جانە مادەني توپتارى اراسىنداعى سەنىم كوپىرىنە اينالىپ وتىر. ءبىز دەپۋتاتتىق توپتىڭ ءرولىن كۇشەيتۋ، وكىلەتتىگىن كەڭەيتۋ، سونداي-اق ونىڭ قىزمەتىنىڭ اشىقتىعى مەن ايقىندىلىعىن ارتتىرۋ ەلدىڭ تۇراقتى دامۋىنا، ۇلتتىق بىرىگۋگە جانە قازاقستاننىڭ ستراتەگيالىق كاپيتالى – ىشكى بەيبىتشىلىك پەن كەلىسىمدى ساقتاۋ ىسىنە زور ۇلەس قوساتىنىنا سەنىمدىمىز»، – دەپ اتاپ ءوتتى نۇرتورە ءجۇسىپ.
پارلامەنتاريي بۇگىنگى تاڭدا وڭىرلىك ماسليحاتتارمەن، سونىڭ ىشىندە قحا اتىنان سايلانعان دەپۋتاتتارمەن كونسترۋكتيۆتى ءوزارا ءىس-قيمىل جولعا قويىلعانىن ەرەكشە اتاپ ءوتتى. ۇلتتىق جانە جەرگىلىكتى باسقارۋ دەڭگەيلەرى اراسىنداعى وسىنداي ۇيلەسىمدى بايلانىس ەل ىشىندەگى جاعدايدى ءتيىمدى باقىلاۋعا، الەۋەتتى الەۋمەتتىك نەمەسە ەتنوستىق شيەلەنىستەردىڭ الدىن الۋعا، سونداي-اق ەلدىڭ بارلىق وڭىرلەرىندە بىرلىك پەن كەلىسىمدى نىعايتۋعا باعىتتالعان ءبىرىڭعاي كوزقاراستى قالىپتاستىرۋعا مۇمكىندىك بەرەدى.
«ءبىر ەل – ءبىر مۇددە» دەپۋتاتتىق توبى قوعامدىق كەلىسىمدى، ەتنوسارالىق تۇراقتىلىقتى جانە قازاقستاندىق ازاماتتىق بىرەگەيلىكتى نىعايتۋعا باعىتتالعان ماڭىزدى پارلامەنتتىك ينستيتۋت رەتىندە ءوزىن كورسەتە ءبىلدى. توپتىڭ قىزمەتى ەل بىرلىگىنە باعىتتالعان ەتنوسارالىق ساياساتتىڭ قۇرىلىمىنا ۇيلەسىمدى تۇردە كىرىگىپ، مەملەكەت باسشىسى ايقىنداعان ادىلەتتى قازاقستاندى قۇرۋ جولىنداعى مىندەتتەردى ىسكە اسىرۋعا بەلسەندى تۇردە ىقپال ەتۋدە. جالپى العاندا، دەپۋتاتتىق توپ پارلامەنتتى، اتقارۋشى بيلىكتى، اسسامبلەيانى، جەرگىلىكتى وكىلدى ورگانداردى جانە ەڭ باستىسى – حالىقتى ءوزارا بايلانىستىراتىن ماڭىزدى ينستيتۋسيونالدىق كوپىرگە اينالۋدا. پرەزيدەنت جاريالاعان جاڭا ساياسي جانە الەۋمەتتىك باعىتتار جاعدايىندا بۇل توپتىڭ جۇمىسى كەمەلدەنگەن، جاۋاپتى ءارى بىرىككەن ازاماتتىق قوعامدى قالىپتاستىرۋ قۇرالى رەتىندە ايرىقشا ماڭىزعا يە»، – دەپ تۇيىندەدى نۇرتورەجۇسىپ.