پرەزيدەنتىمىزدىڭ جولداۋىن تىڭداپ، بولاشاققا دەگەن سەنىمىمىز نىعايا ءتۇستى. ەلىمىزدى الداعى ۋاقىتتا وڭ وزگەرىستەر كۇتىپ تۇرعانىن تۇسىندىك.
سەنات دەپۋتاتتارى سانىنىڭ ازايۋى، ۇلتتىق قۇرىلتاي جاساقتالۋى، كونستيتۋسيالىق سوت قۇرىلۋى، 30-دان اسا باپقا وزگەرىس ەنگىزىلۋگە ءتيىس دەگەنىنىڭ ءبارى – وسىنىڭ باستى دالەلى. سونىمەن قاتار، دەپۋتاتتاردىڭ سايلاۋ الدىندا بەرگەن ۋادەلەرىن ورىنداۋىن قاتاڭ باقىلاۋعا الىناتىنى، ءاربىر ءىستىڭ ناتيجەلى بولۋىنا باستايتىنى انىق.
مەن ءۇشىن جولداۋداعى ايتىلعان ەڭ باستى وزگەرىس – اباي، ۇلىتاۋ جانە جەتىسۋ وبلىستارىنىڭ قۇرىلۋى بولدى. بۇل كوپتەن بەرى ەلدىڭ كوكەيىندە جۇرگەن ماسەلەلەر ەدى. وبلىستاردىڭ قۇرىلۋى سول وڭىرلەردىڭ قارقىندى دامۋىنا سەپتىگىن تيگىزەدى. اسىرەسە، شالعايداعى اۋىلداردىڭ جاعدايى جاقسارىپ، تۇرمىسى جاندانا تۇسەدى. اباي، شاكارىم سياقتى زاڭعارلار تۋعان وردانىڭ گۇلدەنۋىنە ءبىز دە تىلەكشىمىز. سونىمەن قاتار، قاپشاعاي قالاسىنىڭ دىنمۇحامەد قونايەۆ اتىمەن اتالۋى بارشا قازاقستاندىق ازاماتتاردىڭ قولداۋىنا يە بولادى دەپ سەنەمىن.
پرەزيدەنتىمىزدىڭ «مەن ەلىمنىڭ ەرتەڭ ەمەس، بۇگىن باقىتتى بولعانىن قالايمىن»، «ۇلكەن وزگەرىستەر ءاۋىس-تۇيىس جاساۋمەن عانا شەكتەلمەيدى، وزگەرىستەردى وزىمىزدەن باستاۋىمىز كەرەك» دەگەنى كۇللى وتانداستارىمىزدى بىرلىككە شاقىرىپ تۇر. جولداۋدان ۇققانىمىز، ەڭ باستىسى، حالىقتىڭ قالاۋى بىرتىندەپ ورىندالىپ جاتقانى. پرەزيدەنتىمىز حالىققا جولداۋ جاسادى، ەندى وسىلاردى ىسكە اسىرۋ ءۇشىن بارشامىز جۇدىرىقتاي جۇمىلايىق، اعايىن!