مەتاللۋرگيا – ۇلتتىق ەكونوميكانىڭ باستى سالاسىنىڭ ءبىرى.
قازاقستاننىڭ تۇڭعىش پرەزيدەنتى نۇرسۇلتان نازاربايەۆ قازاقستاندىقتاردى مەتاللۋرگتەر كۇنىمەن قۇتتىقتادى، دەپ حابارلايدى Almaty-akshamy.kz Elbasy.kz cايتىنا سىلتەمە جاساپ.
قۇرمەتتى مەتاللۋرگيا سالاسىنىڭ ەڭبەككەرلەرى مەن ارداگەرلەرى! سىزدەردى كاسىبي مەرەكەلەرىڭىز – مەتاللۋرگتەر كۇنىمەن قۇتتىقتايمىن!
مەتاللۋرگيا – ۇلتتىق ەكونوميكانىڭ باستى سالاسىنىڭ ءبىرى، مۇندا ءوز ىسىنە شىن بەرىلگەن، قاجىر-قايراتى مول، جاۋاپكەرشىلىگى جوعارى جاندار ەڭبەك ەتەدى.
بۇل – ادامنىڭ مىنەزى مەن ەرىك-جىگەرى شىڭدالاتىن، ماقساتقا جەتۋ جولىنداعى تاباندىلىعى مەن قايسارلىعى قالىپتاساتىن جەر.
كەزىندە ءوزىم دە وسى ءومىر مەكتەبىنەن ءوتىپ، باي تاجىريبە جيناعانىمدى ماقتان تۇتامىن. مەنىڭ كەيىنگى قىزمەت جولىمدا ونىڭ پايداسى ءتيدى.
مەتاللۋرگيا سالاسىنداعى مامانداردىڭ ەڭبەكسۇيگىشتىگى، قايسارلىعى جانە تاباندىلىعى زور قۇرمەت پەن شىنايى العىسقا لايىق.
سىزدەر ءوز جۇمىستارىڭىز ارقىلى قازاقستاننىڭ ەكونوميكالىق ءال-اۋقاتىنىڭ ارتۋىنا سۇبەلى ۇلەس قوسىپ كەلەسىزدەر.
قاجىرلى ەڭبەكتەرىڭىز بەن اسقان شەبەرلىكتەرىڭىز الداعى ۋاقىتتا دا ەلىمىزدىڭ وركەندەۋىنە سەپتىگىن تيگىزە بەرەتىنىنە سەنىمىم زور.
سىزدەرگە مول تابىس، دەندەرىڭىزگە ساۋلىق جانە باق-بەرەكە تىلەيمىن!