ەلباسى ەۋرازيانىڭ ءتورتجاقتى ەكونوميكالىق فورۋمىن قۇرۋ تۋرالى ۇسىنىس ءبىلدىردى
ق ر تۇڭعىش پرەزيدەنتى – ەلباسى نۇرسۇلتان نازاربايەۆ ۇلكەن ەۋرازيانىڭ ءتورتجاقتى ەكونوميكالىق فورۋمىن قۇرۋ قاجەت ەكەندىگىن ايتتى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ
«ەۋرازيا ەلدەرى جاڭا داعدارىستىڭ الدىن الۋ ماقساتىندا جۇيەلى ديالوگتى جولعا قويۋى قاجەت. بۇل ءۇشىن باياعىدان بەرى، ءتىپتى ءۇشىنشى ەلدەرمەن دە جۇمىس ىستەپ تۇرعان وڭىرلىك حالىقارالىق بىرلەستىك نەگىزگى ارنا بولا الادى»، - دەپ ەسكە الدى ەلباسى «استانا كلۋب-2021» وتىرىسىندا.
ق ر تۇڭعىش پرەزيدەنتى ەۋرازيالىق ەكونوميكالىق وداق، ەۋروپالىق وداق، شانحاي ىنتىماقتاستىق ۇيىمى، سونىمەن قاتار تاياۋدا قۇرىلعان تۇركى مەملەكەتتەرى ۇيىمى اراسىندا تىكەلەي بايلانىستاردى دامىتاتىن ۋاقىت جەتكەنىن اتاپ ءوتتى.
«ولاردىڭ بارلىعىندا ەڭ الدىمەن ەكونوميكالىق ىنتىماقتاستىققا باعدارلانۋ ءتان. ءدال وسى ەكونوميكالىق ىنتىماقتاستىق بازاسىندا ساياسي، مادەني جانە وزگە دە بايلانىستار ارتادى. بۇل بۇكىل عالامشار ءۇشىن ۇلكەن جەڭىس بولار ەدى. وسىعان وراي ۇلكەن ەۋرازيانىڭ ءتورتجاقتى ەكونوميكالىق فورۋمىن قۇرۋدى ۇسىنامىن. وندا ەلدەرىمىز ەۋرازياداعى كووپەراسيانىڭ بارلىق مۇمكىندىكتەرىن تالقىلاپ، ىلگەرىلەتە الار ەدى. قازاقستان مەملەكەت جانە ۇكىمەت باسشىلارى دەڭگەيىندەگى مۇنداي فورۋمدى ۇيىمداستىرۋشىلاردىڭ ءبىرى بولا الادى»، - دەدى نۇرسۇلتان نازاربايەۆ.