الماتىدا قار تازالاۋ جۇمىستارى جۇرگىزىلۋدە

الماتى اق ۇلپاعا وراندى: قار تازالاۋ جۇمىستارىنا 554  ارنايى تەحنيكا جۇمىلدىرىلدى

ساعات 17.00-دە تاۋلى اۋداندارعا 20 سم، تاۋ بوكتەرىنە 10-15 سم، قالاعا 5 سم قار ءتۇستى، دەپ حابارلايدى Almaty-akshamy.kz 

الماتى قالاسىنىڭ تۇرعىن ءۇي ساياساتى باسقارماسىنىڭ مالىمەتىنشە، قار جاۋا سالىسىمەن 191 قۇمشاشقىشتىڭ كۇشىمەن جولدارعا كوكتايعاققا قارسى ماتەريالدار سەبىلدى.

640 توننا كوكتايعاققا قارسى ماتەريالدار پايدالانىلدى.
قار تازالاۋعا بارلىعى 554 ارنايى تەحنيكا بىرلىگى مەن 1482 جول جۇمىسشىسى جۇمىلدىرىلدى.

قاردى سىپىرۋ، تروتۋارلاردى، جاياۋ جۇرگىنشىلەر ايماقتارىن، قوعامدىق كولىك ايالدامالارىن، «قالتالاردى»، كوپشىلىك پايدالاناتىن ورىنداردى تازالاۋ بويىنشا جۇمىستار جۇرگىزىلۋدە.

كەشكى «قاربالاس شاقتان» سوڭ  پوليسيانىڭ پاترۋلدىك ماشينالارىنىڭ ەرىپ جۇرۋىمەن قار كۇرەيتىن كولوننالار  ۇيىمداستىرىلادى.

تۇنگى كەزەڭدە 17-18 قاراشادا 491 ارنايى تەحنيكا بىرلىگى، ونىڭ ىشىندە 183 قۇمشاشقىش شىعارىلادى دەپ جوسپارلانۋدا.

اۋداندىق اكىمدىكتەر مەن مەردىگەرلىك كاسىپورىنداردا قار تازالاۋ جۇمىستارىنىڭ ءوندىرىسىن باقىلاۋ بويىنشا تاۋلىك بويى كەزەكشىلىك ۇيىمداستىرىلدى.

قازگيدرومەتتىڭ بولجامى بويىنشا 18 قاراشانىڭ تاڭىنا قار جاۋادى دەپ كۇتىلۋدە.