ەڭبەك جانە تىل ارداگەرى نادەجدا نەپوميلۋيەۆا جانە ق ر ەڭبەك سىڭىرگەن قايراتكەرى اسىلى وسمان بۇكىل ەل بويىنشا ۇزدىك بەينەروليكتەر بايقاۋىندا جەڭىسكە جەتتى دەپ حابارلايدى almaty-akshamy.kz
اعا بۋىن وكىلدەرىن «Nur Otan» پارتياسى الماتى قالالىق فيليالى ءتوراعاسىنىڭ ءبىرىنشى ورىنباسارى مەيىرجان وتىنشييەۆ، ق ر پارلامەنتى ءماجىلىسىنىڭ دەپۋتاتى ەلنۇر بەيسەنبايەۆ جانە پارتيانىڭ قالالىق فيليالى ءتوراعاسىنىڭ ورىنباسارى قايرات بيسەمبايەۆ قۇتتىقتادى.
روليكتە ولاردىڭ تاريحى مەن ەڭبەك جولى، سونداي-اق تاۋەلسىزدىك جىلدارىنداعى ەلىمىزدىڭ جەتىستىكتەرىنە دەگەن وزىندىك كوزقاراسى باياندالادى. ولار ەلباسىنىڭ مەملەكەتتىڭ قالىپتاسۋىنا ولشەۋسىز ۇلەس قوسقانىن اتاپ ءوتىپ، جاستارعا ءوز تىلەكتەرىن ءبىلدىردى. اتالعان بەينەروليكتەر الەۋمەتتىك جەلى قولدانۋشىلارىندا كەڭىنەن تانىلدى.
مىسالى، نەپوميلۋيەۆا نادەجدا پاۆلوۆنا - ەڭبەك جانە تىل ارداگەرى، ەڭبەك جولىن ۇوس جىلدارى پوشتاشى بولىپ باستاعان. زەينەتكەر قازىرگى ۋاقىتتا قالانىڭ قوعامدىق جۇمىسىنا بەلسەندى قاتىسادى، كوپ جىلدار بويى اۋەزوۆ اۋداندىق ارداگەرلەر كەڭەسىنىڭ جانىنداعى پاتريوتتىق جانە ادامگەرشىلىك تاربيە جونىندەگى كوميسسيانىڭ ءتورايىمى بولىپ جۇمىس ىستەدى. نادەجدا پاۆلوۆنا - قازكسر ەڭبەك سىڭىرگەن ءمۇعالىمى، كوپتەگەن ولەڭدەردىڭ اۆتورى. بۇگىنگى تاڭدا ارداگەردىڭ 5 ولەڭدەر جيناعى جارىق كوردى.
«قازىنالى قارتتارىمىزعا دەگەن قامقورلىق كۇندەلىكتى كورىنىس تابۋى كەرەك. ءبىز ولارعا قامقورلىق پەن كوڭىل ءبولۋدىڭ ماڭىزدىلىعىن تۇسىنەمىز. اعا بۋىن وكىلدەران قولداۋ پارتيا مۇشەلەرىنىڭ باستى ماقساتى بولىپ قالا بەرەدى»،-دەپ اتاپ ءوتتى پارتيانىڭ الماتى قالالىق فيليالى ءتوراعاسىنىڭ ءبىرىنشى ورىنباسارى مەيىرجان وتىنشييەۆ.
سونىمەن قاتار، «Nur Otan» پارتياسى اكسيانىڭ بارلىق جەڭىمپازدارىنا اقشالاي سىيلىق اۋدارادى. ەل بويىنشا بارلىعى 30 جەڭىمپاز انىقتالدى، ولاردىڭ تورتەۋى الماتىلىقتار قاتارىنان.
ەستەرىڭىزگە سالساق، قازان ايىنىڭ باسىندا ق ر تاۋەلسىزدىگىنىڭ 30 جىلدىعىنا ارنالعان جانە «ارداگەرلەردى ارداقتايىق» پارتيالىق جوباسى اياسىندا «ارداگەرلەردى ارداقتايىق» رەسپۋبليكالىق اكسياسى باستاۋ العان. ايتا كەتۋ كەرەك، مەگاپوليستىڭ نۇروتاندىق دەپۋتاتتارى مەن «Jas Otan» جاستار قاناتىنىڭ مۇشەلەرى الماتىدا 100-دەن استام اعا بۋىن وكىلدەرىن قۇتتىقتادى.