اقش پرەزيدەنتى ساۋلە وماروۆانى لاۋازىمدى قىزمەتكە ۇسىندى

اقش-تاعى اقشا اينالىمىن باقىلاۋ باسقارماسىنا العاش رەت ايەل ادام جەتەكشىلىك ەتۋى مۇمكىن

اقش پرەزيدەنتى دجو بايدەن اقشا اينالىمىن باقىلاۋ باسقارماسى باسشىسى قىزمەتىنە ساۋلە وماروۆانى تاعايىنداۋ تۋرالى ۇسىنىستى رەسمي تۇردە سەنات كونگرەسىنىڭ قاراۋىنا ەنگىزدى، دەپ حابارلايدى Almaty-akshamy.kz

«سەناتقا جىبەرىلگەن كانديداتۋرا: ساۋلە وماروۆا اقشا اينالىمىن باقىلاۋ باسقارماسىنىڭ باسشىسى قىزمەتىنە بەس جىلدىق مەرزىمگە ۇسىنىلادى، ورىنباسارى - دجوزەف وتتينگ»، دەلىنگەن اق ءۇيدىڭ رەسمي سايتىنداعى قۇجاتتا.

جاقىن ارادا سەناتتىڭ سالالىق كوميتەتى ساۋلە وماروۆانىڭ كانديداتۋراسىن قاراۋ تۋرالى تىڭداۋ وتكىزەتىنىن حابارلايدى. ودان كەيىن كونگرەسمەندەر داۋىس بەرەدى. ال كوميتەتتىڭ ۇسىنىسى ەنگىزىلگەننەن كەيىن سەناتتا سوڭعى داۋىس بەرۋ وتەدى.

ساۋلە وماروۆانىڭ كانديداتۋراسى ماقۇلدانسا، اقش-تاعى اقشا اينالىمىن باقىلاۋ باسقارماسىنا (Office of the Comptroller of the Currency، OCC) العاش رەت ايەل جەتەكشىلىك ەتەدى. اتالعان قۇرىلىم 1863 جىلى قۇرىلعان بولاتىن.

ايتا كەتەيىك، بيىل تامىز ايىنىڭ باسىندا اقش قارجى مينيسترلىگى ۆاليۋتالىق باقىلاۋ باسقارماسىنىڭ باسشىسى قىزمەتىنە ساۋلە وماروۆانىڭ كانديداتۋراسى ۇسىنىلعانى تۋرالى اقپارات تاراتقان. وعان دەيىن وسى قىزمەتكە ۇمىتكەر ەكى ادام بولدى. الايدا دەموكراتيالىق پارتيانىڭ ىشىندە ءوزارا تارتىس باستالدى. اق ءۇي ەكى كانديداتۋرادان دا باس تارتىپ، پروفەسسور ساۋلە وماروۆانى قاراستىرۋعا كىرىستى.