بۇل تۋرالى استانا قالاسى سوتىنىڭ باسپا ءسوز قىزمەتى مالىمدەدى.
پارا الدى دەگەن كۇدىكپەن ۇستالعان بۇرىنعى ءماجىلىس دەپۋتاتى نۇرجان التايەۆ 2 اي قاماۋدا وتىرادى، دەپ حابارلايدى Almaty-akshamy.kz
"نۇرجان التايەۆقا قاتىستى بۇلتارتپاۋ شاراسى بەلگىلى بولدى. 2023 جىلعى 9 ماۋسىمدا استانا قالاسىنىڭ مامانداندىرىلعان اۋدانارالىق تەرگەۋ سوتى كۇدىكتى ن. التايەۆتى 2 اي مەرزىمگە كۇزەتپەن قاماۋ تۇرىندەگى بۇلتارتپاۋ شاراسىن سانكسيالادى"، - دەلىنگەن حابارلامادا.
پارلامەنت ءماجىلىسىنىڭ ەكس-دەپۋتاتى نۇرجان التايەۆ 7 ماۋسىمدا پارا العانى ءۇشىن ۇستالدى.
قاماۋعا الىنعان التايەۆ 2018-2019 جىلدار ارالىعىندا ەڭبەك جانە حالىقتى الەۋمەتتىك قورعاۋ ۆيسە-مينيسترى بولا تۇرا، جۇيەلى تۇردە "اتامەكەن" ۇلتتىق كاسىپكەرلەر پالاتاسىنىڭ باسقارما ءتوراعاسى ا.ي. مىرزاحمەتوۆتەن پارا رەتىندە اي سايىن 5 000 دوللار الىپ كەلگەن.