روزا باعلانوۆا اتىنداعى «قازاقكونسەرت» مەملەكەتتىك اكادەميالىق كونسەرتتىك ۇيىمىندا مادەنيەت جانە اقپارات مينيسترلىگىنىڭ قولداۋىمەن حالىق قاھارمانى، كورنەكتى كومپوزيتور، كۇيشى، ديريجەر نۇرعيسا تىلەندييەۆتىڭ 100 جىلدىق مەرەيتويىنا ارنالعان «ءالقيسسا-نۇرعيسا» اتتى مەرەيتويلىق كونسەرتتىڭ سالتاناتتى اشىلۋى ءوتتى.
بۇل كونسەرت كومپوزيتوردىڭ 100 جىلدىعىنا ارنالعان مەرەكەلىك ءىس-شارالار باعدارلاماسىنىڭ باستاماسى بولدى، دەپ حابارلايدى aqshamnews.kz
كەشتە ۇلى تۇلعانىڭ قۇرمەتىنە مەملەكەت باسشىسىنىڭ اتىنان گۇل شوقتارى تابىس ەتىلدى.
ءىس-شاراعا ق ر مادەنيەت جانە اقپارات ءمينيسترى ايدا بالايەۆا، بەلگىلى مۋزىكانتتار، قازاقستاننىڭ ەڭبەك سىڭىرگەن قايراتكەرلەرى، حالىقارالىق بايقاۋلاردىڭ لاۋرەاتتارى، سونداي-اق ەلىمىزدەگى ونەر ۇجىمدارى قاتىستى.
ولاردىڭ قاتارىندا جامبىل اتىنداعى قازاق مەملەكەتتىك اكادەميالىق فيلارمونياسىنىڭ نۇرعيسا تىلەندييەۆ اتىنداعى اكادەميالىق فولكلورلى-ەتنوگرافيالىق «وتىرار سازى» وركەسترى، ەركەعالي راحمادييەۆ اتىنداعى اكادەميالىق فيلارمونياسىنىڭ سيمفونيالىق وركەسترى، ب. بايقاداموۆ اتىنداعى مەملەكەتتىك حور كاپەللاسى جانە تانىمال انشىلەر مەن ونەرپازدار بار.
كونسەرتتىك باعدارلاما بويىنشا كورەرمەنگە نۇرعيسا تىلەندييەۆتىڭ قازاق مۋزىكاسىنىڭ التىن قورىنا ەنگەن شىعارمالارى ۇسىنىلدى.
جىل بويى قازاقستاننىڭ بارلىق وڭىرىندە 100-گە جۋىق ءىس-شارا وتەدى. اتاپ ايتساق، كورمەلەر، كونسەرتتەر، بايقاۋلار مەن فەستيۆالدەر ۇيىمداستىرۋ جوسپارلانعان.
قازاق مۋزىكاسىنىڭ دارا تۇلعاسىنىڭ مەرەيتويى تەك ەلىمىزدە عانا ەمەس، يۋنەسكو جانە تۇركسوي سياقتى بەدەلدى ۇيىمداردىڭ قولداۋىمەن حالىقارالىق دەڭگەيدە دە اتالىپ وتەدى.
مەرەيتويلىق باعدارلامانىڭ باستى ءىس-شاراسى– قازاقستاننىڭ مادەنيەت كۇندەرى اياسىندا فرانسياداعى يۋنەسكو شتاب-پاتەرىندە وتەتىن نۇرعيسا تىلەندييەۆتىڭ 100 جىلدىعىنا ارنالعانسالتاناتتى كونسەرت. سونداي-اق اقش-تا، ايگىلى كارنەگي-حوللدا، كونسەرت پەن كورمە ۇيىمداستىرىلسا، بەيجىڭدە «قۇستار قايتىپبارادى» كونسەرتى اياسىندا كومپوزيتوردىڭ اندەرى ورىندالادى.