وتانداسىمىز فينالدا وزىنەن فيزيكالىق الەۋەتى جوعارى يراندىق ايناز ناسيريدەن جەڭىلىپ قالدى.
بۇل جەكپە-جەكتە نۇرايعا وتە قيىن بولاتىنى ايدان انىق ەدى. قارسىلاس وتە تاجىريبيەلى، دەنەسى مىعىم. دەسە نۇراي بار جىگەرىن جۇمسادى، دەپ حابارلايدى aqshamnews.kz.
قازىنابەك اقتىق سىنعا دەيىن يسپانيا، بەلگيا، مەكسيكا، جارتىلاي فينالدا كانادا سپورتشىسىن ۇتتى. نۇرايدىڭ ءسىڭلىسى توعجان قازىنابەك چحۋنچحونداعى باستى باسەكەگە كەتتى. ول سوڭعى جارىس كۇنى سىنعا تۇسەدى.
نۇراي ءتۇرلى جاس ساناتىندا 3 رەت قازاقستان چەمپيوناتىندا توپ جارعان. ول قىزدار اراسىندا الەم چەمپيوناتىنىڭ فينالىنا شىققان 2-قازاق تاەكۆوندوشىسى. وسىدان 2 جىل بۇرىن العاش رەت ايدانا سۇندەتباي اقتىق سىنعا شىعىپ، قارسىلاسىنا ەسە جىبەرگەن. ازىرگە قىزدارىمىز الەم چەمپيوناتىندا التىن الا الماي كەلە جاتىر.
وسىنداي دەرەكتەردى ترانسلياسيا ۇيىمداستىرىپ، ەفير كەزىندە بارىمىزگە جەتكىزىپ وتىرعان تاەكۆوندودان ەڭ اۋقىمدى فان-پاراقشا @taekwondo_wt_kz نەگىزىن قالاۋشى ساياسات وتەمۇراتوۆقا راقمەت.
انىقتاما:
بۇگىن وڭتۇستىك كورەيانىڭ چحۋنچحون قالاسىندا تاەكۆوندودان جاستار اراسىنداعى الەم چەمپيوناتى باستالدى.
العاشقى جارىس كۇنى دايانگقا ءبىزدىڭ كوماندادان ەلەانورا شەرالى (52 كگ)، بەكەت بولات ۇلى (63 كگ)، نۇراي قازىنابەك شىقتى. بۇلاردىڭ اراسىندا الىسقا شاپقانى تەك نۇراي بولدى. قىزىلوردانىڭ تۋماسى ءۇشىن بۇل جاستار اراسىنداعى سوڭعى جىل. كەلەسى جىلدان باستاپ ول ەرەسەكتەر ساناتىنا وتەدى.
چەمپيونات 1-6 قازان ارالىعىندا وتەدى. بيىل 127 ەل + بەيتاراپ تۋ استىنداعى (رەسەي مەن بەلارۋس) سپورتشىلار مەن بوسقىندار كومانداسىن قوسقاندا 963 تاەكۆوندوشى جۇلدەگە تالاسادى.