الماتى قالاسى بويىنشا قىلمىستىق-اتقارۋ جۇيەسى دەپارتامەنتىنىڭ ارداگەرلەرى حالىقارالىق قارتتار كۇنىنە وراي ەرەكشە قۇرمەتكە يە بولدى، دەپ حابارلايدى aqshamnews.kz
قىلمىستىق-اتقارۋ سالاسىنىڭ قيىن دا كۇردەلى قىزمەتىندە مول تاجىريبە جيناعان بۇگىنگى ارداگەرلەردىڭ جاس ماماندارعا بەرەر ءتالىمى مەن تاربيەسى – باعا جەتپەس قۇندىلىق. وسى ورايدا اعا بۋىن وكىلدەرى وزدەرىنىڭ قىزمەت جولىنداعى جەتىستىكتەرىمەن ءبولىسىپ، دەپارتامەنتتىڭ جەكە قۇرامىنا ادال جانە ابىرويلى قىزمەت ەتۋدى وسيەت ەتتى.
قارتتار كۇنىنە ارنالعان سالتاناتتى جيىندا ارداگەرلەر كەڭەسىنىڭ ءتوراعاسى ە. ساعالبايەۆ قۇتتىقتاۋ ءسوز سويلەپ، 50 ارداگەرگە سىي-سياپات تابىستادى. مەرەكەلىك جيىن ارداگەرلەرگە كوتەرىڭكى كوڭىل-كۇي سىيلاپ، ولار كوپتەن بەرى كورىسپەگەن قارتتارمەن مەرەكەلىك داستارقان باسىندا اڭگىمە-دۇكەن قۇرىپ، قاۋىشتى.