ءىىم باسشىسى مەن ەلوردا اكىمى نۇر-سۇلتان قالاسى پوليسيا دەپارتامەنتىنىڭ بولىمشەلەرىنە باردى
ىشكى ىستەر ءمينيسترى ەرلان تۇرعىمبايەۆ پەن نۇر-سۇلتان قالاسىنىڭ اكىمى التاي كولگىنوۆ ەلورداداعى قۇقىقتىق ءتارتىپتى جانە ونىڭ تۇرعىندارىنىڭ قاۋىپسىزدىگىن قامتاماسىز ەتۋ دەڭگەيىن تەكسەردى، دەپ حابارلايدى Almaty-akshamy.kz Polisia.kz-كە سىلتەمە جاساپ
مينيستر قالا پوليسياسىنىڭ ءبىرقاتار نىساندارىن ارالاپ، مەملەكەت باسشىسىنىڭ حالىق اراسىنداعى قۇقىقبۇزۋشىلىقتىڭ الدىن الۋدا تىعىز ىنتىماقتاستىق ورناتۋعا جانە ازاماتتاردىڭ پوليسياعا قولجەتىمدىلىگىن بارىنشا جەڭىلدەتۋگە باعىتتالعان پوليسيا جۇمىسىنىڭ سەرۆيستىك مودەلىن جانە «قادامدىق قولجەتىمدىلىكتەگى پوليسيا» قاعيداتىن ەنگىزۋ جونىندەگى تاپسىرمالارىنىڭ ورىندالۋىمەن تانىستى.
«قادامدىق قولجەتىمدىلىكتەگى پوليسيا» قاعيداتىن ىسكە اسىرۋداعى شەشىمدەردىڭ ءبىرى مودۋلدىك ۇلگىدەگى ستاسيونارلىق بەكەتتەردى ورناتۋ جانە ۋچاسكەلىك پوليسيا پۋنكتتەرىنىڭ سانىن ۇلعايتۋ بولدى.