گەرمانيادا تولاسسىز جاۋعان نوسەر جاۋىن سالدارىنان بىرنەشە وزەن سۋى ارناسىنان اسىپ كەتتى. وسىعان بايلانىستى ءبىرقاتار ەلدى مەكەن تۇرعىندارى ەۆاكۋاسيالاندى، دەپ حابارلايدى اlmaty-akshamy.kz ەuronews.com-عا سىلتەمە جاساپ.
گەرمانيادا بىرنەشە ايماقتىڭ، اتاپ ايتقاندا تيۋرينگيا مەن تومەنگى ساكسونيانىڭ تۇرعىندارى نوسەر جاڭبىر سالدارىنان روجدەستۆو كۇنى ۇيلەرىن تاستاپ كەتۋگە ءماجبۇر بولدى. ەرەكشە تولاسسىز جاۋىننان جەرگىلىكتى وزەندەر ارناسىنان اسىپ، ەلەكتر جەلىلەرى مەن كارىز جۇيەلەرى بۇزىلدى.
تيۋرينگيا گۋبەرناتورى بودو رامەلوۋ حالىقتى سابىر ساقتاۋعا شاقىرادى.
«ادامدار ءۇش كۇن بويى ۇيلەرىنە قايتا الماۋى مۇمكىن جانە ولار وسىعان دايىن بولۋلارى كەرەك. ولار ۇيلەرىنە ءبىز جەرتولەلەردەن سۋدى سورعىتىپ، ەلەكتر قۋاتىن قالپىنا كەلتىرىپ، كارىز جۇيەسىن جوندەگەننەن كەيىن عانا قايتادى»، - دەدى ول.
كورشىلەس چەحيادا دا ىلعال كوپ، كەي اۋدانداردا جوعارى دەڭگەيلى دايىندىق رەجيمى ساقتالىپ وتىر. جەرگىلىكتى بيلىكتىڭ ايتۋىنشا، بۇعان جاڭبىر دا، مۇزدىڭ بەلسەندى ەرۋى دە سەبەپ. پراگادا كەيبىر پارومدار جۇمىسىن توقتاتتى.
نيدەرلاندىدا سينوپتيكتەر قاتتى جاڭبىرعا بايلانىستى سۋ دەڭگەيىنىڭ ديناميكاسىن مۇقيات قاداعالاپ وتىر. وزەندەرگە ىرگەلەس جاتقان اۋداندار ەرەكشە باقىلاۋعا الىندى.