الماتىدا WorldSkills قوزعالىسىن دامىتۋدىڭ قورىتىندىسى شىعارىلدى. «VIII WorldSkills Kazakhstan-2023» رەسپۋبليكالىق چەمپيوناتىنىڭ جەڭىمپازدارى مەن جۇلدەگەرلەرىن - الماتى قالاسى قۇراما كومانداسىنىڭ وكىلدەرىن قۇتتىقتادى.
بولاشاق جاس مامانداردى ىنتالاندىرۋ جانە قولداۋ ماقساتىندا، سونداي-اق كوللەدج ستۋدەنتتەرىنىڭ رەسپۋبليكالىق دەڭگەيدەگى جەتىستىكتەرىن ەسكەرە وتىرىپ، الماتى قالاسىنىڭ اكىمدىگى 9 جەڭىمپازدى اقشالاي سىيلىقتارمەن ماراپاتتادى: «قۇرعاق قۇرىلىس جانە سىلاق جۇمىستارى»، «پروتوتيپتەۋ»، «كىشى سىنىپتاردا وقىتۋ»، «ەلەكترونيكا» اتتى 4 قۇزىرەتتىلىك بويىنشا 1 ورىن العاندارعا 200 مىڭ تەڭگەدەن، «سانتەحنيكا جانە جىلىتۋ» قۇزىرەتتىلىگى بويىنشا 2 ورىن العاندارعا 150 مىڭ تەڭگەدەن، «دانەكەرلەۋ تەحنولوگيالارى»، «جەلىلىك جانە جۇيەلىك اكىمشىلىكتەندىرۋ»، «ءموبيلدى روبوتوتەحنيكا»، «ۆيزۋالدى مەرچاندايزينگ جانە ۆيترينيستيكا» 4 قۇزىرەتى بويىنشا 3 ورىن العاندارعا 100 مىڭ تەڭگەدەن اقشالاي سىيلىقتار بەرىلدى.
ەسكە سالساق، 23-25 قاراشا ارالىعىندا استانا قالاسىنداعى «ەكسپو» حالىقارالىق كورمە ورتالىعىنىڭ الاڭىندا WorldSkills Almaty 2023 وڭىرلىك چەمپيوناتىنىڭ جەڭىمپازدارى WorldSkills Kazakhstan 2023 رەسپۋبليكالىق چەمپيوناتىنا قاتىستى.
الماتى قالاسىنىڭ قۇراماسىندا 30 قۇزىرەتتىلىك بويىنشا 32 قاتىسۋشى بولدى. چەمپيونات قورىتىندىسى بويىنشا الماتى قۇراماسى ەلىمىزدىڭ 20 ءوڭىرى اراسىندا جالپى مەدالدىق ەسەپ بويىنشا 2 ورىندى يەلەندى. قۇرامانىڭ قورجىنىندا - 4 التىن، 1 كۇمىس جانە 4 قولا مەدال. جالپى مەدالدىق ەسەپتە الماتى قۇرىلىس-تەحنيكالىق كوللەدجىنىڭ ستۋدەنتتەرى ۇزدىك بولىپ، قۇرعاق قۇرىلىس، ساندىك جۇمىستار جانە دانەكەرلەۋ تەحنولوگيالارى بويىنشا جوعارى شەبەرلىك دەڭگەيىن كورسەتە وتىرىپ، بارلىق مەدالداردى جەڭىپ الدى. الماتى مەملەكەتتىك پوليتەحنيكالىق كوللەدجىنىڭ قاتىسۋشىلارى مودەلدەر جاساۋ، سەرۆەرلىك جابدىقتار مەن باعدارلامالىق قامتاماسىز ەتۋدى باپتاۋ بويىنشا كاسىبي شەبەرلىكتەرىن كورسەتتى. ورتالىق ازيا تەحنيكالىق-ەكونوميكالىق كوللەدجىنىڭ قاتىسۋشىلارى ەلەكتروندى سحەمانى قۇرۋ، قۇراستىرۋ جانە باعدارلامالاۋ بويىنشا ۇزدىك بولدى. «باستاۋىش سىنىپتاردا وقىتۋ» قۇزىرەتىنە قاتىسقان №2 الماتى مەملەكەتتىك گۋمانيتارلىق-پەداگوگيكالىق كوللەدجىنىڭ ستۋدەنتتەرى پەداگوگيكالىق شەبەرلىك داعدىلارى بويىنشا التىن مەدالدى جەڭىپ الدى. كورنەكى ساۋدا ەرەجەلەرىن قولدانۋ، تاۋارلاردى ءتيىمدى ورنالاستىرۋ،قۇرالدار مەن تەحنولوگيالاردى ۇتىمدى قولدانۋ بويىنشا الماتى سەرۆيستىك قىزمەت كورسەتۋ كوللەدجىنىڭ ءبىلىم الۋشىلارى قولا مەدالدى يەلەندى.
بايقاۋعا قاتىسۋشىلاردىڭ چەمپيوناتتا جوعارى جەڭىستەرگە جەتۋىنە ۇزاق ۋاقىت بويى قاتىسۋشىلاردى ىرىكتەگەن جانە دايارلاعان ساراپشى-كومپاتريوتتاردىڭ ىقپالى زور بولدى.
«WSA ساراپشىلار قاۋىمداستىعىنا، كونكۋرستىق الاڭداردى جوعارى دەڭگەيدە ۇيىمداستىرعان قالا كوللەدجدەرى مەن ولاردىڭ الەۋمەتتىك سەرىكتەستەرىنە، رەسپۋبليكالىق چەمپيوناتتىڭ قورىتىندىسى بويىنشا جۇلدەلى ورىندارعا يە بولعان جەڭىمپازدارعا، سوڭعى ىرىكتەۋ تۋرىنان وتكەن جانە 2024 جىلعى 10-15 قىركۇيەك ارالىعىندا فرانسيانىڭ ليون قالاسىندا وتەتىن WorldSkills حالىقارالىق چەمپيوناتىنا قاتىساتىندارعا زور ريزاشىلىعىمدى بىلدىرەمىن. بالالارىمىزعا ساتتىلىك تىلەيمىز!»،- دەدى الماتى قالاسى ءبىلىم باسقارماسىنىڭ باسشىسى ءلاززات جىلقىبايەۆا.
ايتا كەتەرلىگى، 2023 جىلى الماتى قالاسى اكىمدىگىنىڭ قولداۋىمەن 200 ادام تۇركيا، جۇڭگو، فينليانديا، گەرمانيا، يتاليا، شۆەيساريا، فرانسيا، برازيليا، ەستونيانىڭ وقۋ ورتالىقتارىندا حالىقارالىق تاعىلىمدامادان ءوتىپ، WorldSkills حالىقارالىق ستاندارتتارى اياسىندا جاڭا پراكتيكالىق داعدىلاردى يگەردى.
