جاڭا ەرەجەلەر جەكە دەرەكتەر تۋرالى زاڭعا وزگەرىستەر ەنگىزۋدى قاراستىرادى.
بۇل تۋرالى ەلدىڭ پرەمەر-مينيسترى يوناس گار ستەرە مالىمدەدى، دەپ حابارلايدى aqshamnews.kz
ونىڭ ايتۋىنشا، جاس شەكتەۋى بالالاردىڭ ميىنا "قارسى باعىتتالعان" الگوريتمدەردەن قورعاۋ ماقساتىندا ەنگىزىلمەك، سەبەبى الەۋمەتتىك جەلىلەر كامەلەتكە تولماعانداردىڭ ساناسى مەن پسيحيكالىق جاعدايىنا كەرى اسەر ەتەدى.
"بۇل – ايتارلىقتاي كۇشتى بەلگى. بالالاردى زيان كونتەنتتەن قورعاۋ كەرەك. بۇل – ۇلكەن تەحنولوگيالىق الپاۋىتتار مەن كىشكەنتاي بالالاردىڭ ميىنا قارسى كۇرەس. ءبىز بۇل اۋىر شايقاس ەكەنىن بىلەمىز، سەبەبى بۇل سالادا قۋاتتى كۇشتەر بار، ءبىراق مۇندا ساياسي شەشىمدەر دە قاجەت"، - دەپ اتاپ ءوتتى ول.
جاڭا ەرەجەلەر جەكە دەرەكتەر تۋرالى زاڭعا وزگەرىستەر ەنگىزۋدى قاراستىرادى، بۇل پلاتفورمالارعا جاس مولشەرىن تەكسەرۋ تەتىكتەرىن ەنگىزۋگە جانە پايدالانۋشىلاردىڭ جەكە اقپاراتىن وڭدەۋگە مۇمكىندىك بەرەدى.
قازىرگى ۋاقىتتا نورۆەگيادا وسىعان ۇقساس شەكتەۋلەردىڭ جۇمساعىراق نۇسقاسى قولدانىستا: ول 13 جاسقا دەيىنگى بالالارعا الەۋمەتتىك جەلىلەردى پايدالانۋعا تىيىم سالادى، ءبىراق ول ءىس جۇزىندە جۇمىس ىستەمەيدى. 10 جاستاعى بالالاردىڭ 58%-ى جانە 11 جاستاعى بالالاردىڭ 78%-ى الەۋمەتتىك جەلىلەردى پايدالانۋدى جالعاستىرىپ كەلەدى.