استانادا 5-6 قازان كۇندەرى «Nobel Fest: سيفرلىق اپگرەيد» فەستيۆالى وتەدى، دەپ حابارلايدى Almaty-akshamy.kz.
بۇل تۋرالى استانا قالىسى اكىمدىگىنىڭ رەسمي سايتىندا حابارلاندى.
ونىڭ الاڭىندا نوبەل سىيلىعىنىڭ لاۋرەاتتارى، عىلىم، اقپاراتتىق تەحنولوگيالار، ەكونوميكا جانە يننوۆاسيالار سالاسىنداعى جەتەكشى ماماندار جينالادى.
Nobel Fest 5 جانە 6 قازاندا تۇڭعىش پرەزيدەنت مۇراجايىندا وتەدى. سپيكەرلەر عىلىمي-تەحنيكالىق پروگرەستىڭ ەڭ وزىق تەوريالارى مەن تاجىريبەسىن تالدايتىن بولادى. فەستيۆال باعدارلاماسى جاساندى ينتەللەكت، كليماتتىڭ وزگەرۋى، ەكونوميكا بولاشاعى، ستارتاپتار مەن زامانۋاي ەڭبەك نارىعى، عىلىمنىڭ جاڭا قىرلارى، ادامزات بولاشاعى سەكىلدى وزەكتى ماسەلەلەردى قامتيدى.
فەستيۆالدىڭ نەگىزگى تاقىرىپتارى:
- تەحنولوگيالىق سينگۋليارلىق ءداۋىرى؛
- بەلگىسىز الەم: جاساندى ينتەللەكت ءداۋىرى؛
- سيفرلىق الەمدەگى ادام ميىنىڭ رەسۋرستارى: سينگۋليارلىق نەمەسە سانا جولىندا؛
- كوپپلانەتالىق وركەنيەت پەن عارىش ءتۋريزمىنىڭ قۇرىلىسى؛
- عىلىم مەن ءبىلىم دامۋىنىڭ جاڭا قىرلارى؛
- جاھاندانۋدىڭ اياقتالۋى جانە الەمنىڭ جاڭا ەكونوميكاسى؛
- «Unicorn» ستارتاپتى قالاي قۇرۋعا بولادى نە تەحنولوگيا الپاۋىتتارىنىڭ دامۋىنا قانداي جاعداي جاساۋ كەرەك؟
- ەڭبەك پەن ادامي كاپيتالدىڭ بولاشاعى.
فەستيۆالدە عىلىم جانە جوعارى ءبىلىم ءمينيسترى ساياسات نۇربەك، قازاقستاندىق ساياساتتانۋشى دوسىم ساتبايەۆ، سونداي-اق ەكونوميكا بويىنشا نوبەل سىيلىعىنىڭ لاۋرەاتى، الەمنىڭ ءۇش ۇزدىك ەكونوميسىنىڭ ءبىرى دجەيمس حەكمان، بەيبىتشىلىك سالاسىنداعى نوبەل سىيلىعىنىڭ يەگەرى، كليمات جانە تۇراقتى دامۋ بويىنشا №1 ساراپشى راە كۆون چۋنگ، الەمگە ايگىلى فۋتۋرولوگ، يننوۆاسياداعى ۇزدىك ءۇش ىقپالدى كورەگەننىڭ ءبىرى (Wired)، «تەحنولوگيا ادامعا قارسى» بەستسەللەرىنىڭ اۆتورى گەرد لەونگارد، الەمدەگى ەڭ تانىمال اۆتوكولىك ديزاينەرى فرەنك ستيۆەنسون جانە ت.ب.
فەستيۆالدىڭ باستى ماقساتى – مىڭداعان قازاقستاندىقتىڭ بىلىمگە، عىلىمعا جانە يننوۆاسياعا قىزىعۋشىلىعىن ارتتىرۋ.
جىل سايىن Nobel Fest 100 ەلدەن 500 مىڭعا جۋىق قاتىسۋشى مەن 500 ۋنيۆەرسيتەتتى بىرىكتىرە وتىرىپ، جارقىن بولاشاقتى قالىپتاستىرۋداعى جان-جاقتى ءبىلىمنىڭ ماڭىزىن ايشىقتايدى.