قالا كۇنىن قالاي پايدالى وتكىزۋگە بولادى؟
2023 جىلعى 16-17 قىركۇيەكتە الماتىنىڭ ءتۇرلى مەكەنجايلارىندا سپورتتىق-بۇقارالىق ءىس-شارالار: «Almaty Urban Fest 2023»، ۇلتتىق سپورت تۇرلەرىنىڭ فەستيۆالى، بايگە مەن ۆەلوجارىس وتەدى، دەپ حابارلايدى Almaty-akshamy.kz
«Almaty Urban Fest 2023» قالالىق جانە ەكسترەمالدى سپورت تۇرلەرىنىڭ فەستيۆالى ەكى كۇن بويى 2 الاڭدا وتەدى. ءبىرىنشى كۇن ىرىكتەۋ، جەكسەنبىدە ۇلكەن فينال جانە جەڭىمپازداردى ماراپاتتاۋ. حالىق ارەنا اۋماعىندا ۆوركاۋت، چيرليدينگ، كوشە ءبيى، ارمرەسلينگ، روۋپ-دجامپ، گىر كوتەرۋ جانە ستريتبولدان جارىستار وتسە، سكەيتبوردينگ، روليكتەر، سكۋتەرلەر مەن BMX تريۋكتەرى بويىنشا جارىستار ورتالىق مادەنيەت ساياباعىندا وتەدى. شاراعا كاسىپقوي سپورتشىلار جانە اۋەسقويلار قاتىسا الادى. جەڭىمپازدار مەدالدار، ديپلومدار، باعالى سىيلىقتار مەن سەرتيفيكاتتارمەن ماراپاتتالادى. سپورتتىڭ 11 ءتۇرى بويىنشا جالپى اقشالاي جۇلدە قورى 6 120 000 تەڭگە. فەستيۆال اياسىندا كاسىبي ديدجەيدىڭ، رەپ-باتتلدىڭ، سونداي-اق فەستيۆالدىڭ حەدلاينەرى نۇربولات قانايدىڭ كونسەرتتىك باعدارلاماسى قاراستىرىلعان.
سپورتشىلارعا تىركەلۋ http://almatyurbanfest2023.tilda.ws./
رەسمي اشىلۋى 17 قىركۇيەك ساعات 9:15-تە.
16 جانە 17 قىركۇيەكتە قالالىق ارباتتا ارمرەستلينگ، توعىزقۇمالاق، بۇقا تارتۋ، اسىق اتۋ جانە سالماق كوتەرۋ سياقتى ۇلتتىق سپورت تۇرلەرى بويىنشا بۇقارالىق جارىستار وتەدى. جەڭىمپازدار ەستەلىك سىيلىقتارمەن ماراپاتتالادى.
باستالۋى 16 قىركۇيەك 9: 00
16 قىركۇيەكتە الماتى يپپودرومىندا بايگە بويىنشا ىرىكتەۋ ءتۋرنيرى وتەدى. الماتىلىق شاباندوزدار قۇنان، توپ - بايگە جانە الامان بايگەدە جالپى جۇلدە قورى 20 900 000 تەڭگە ءۇشىن جارىسادى. بۇل تۋرنير 7 قازانعا جوسپارلانعان فينالعا ىرىكتەۋ كەزەڭى. ءىس-شارا قوناقتارىن اسىلبەك ەرگەپوۆ پەن ەربولات قۇدايبەرگەننىڭ ورىنداۋىنداعى ءتۇرلى كونسەرتتىك-ويىن-ساۋىق باعدارلاماسى، فۋد-ايماق، سونداي-اق باعالى سىيلىقتار ۇتىس ويىنى كۇتەدى.
باستالۋى 16 قىركۇيەك 12: 00
17 قىركۇيەك كۇنى تاڭەرتەڭ جالپى قالالىق ۆەلوجارىس وتەدى، وعان قالا مەن رەسپۋبليكانىڭ اتاقتى ۆەلوشاباندوزدارى مەن سپورتشىلارى قاتىسادى. سونداي-اق، اتالعان ءىس-شاراعا الماتى قالاسىنىڭ ءاربىر تۇرعىنى مەن قوناعى قاتىسا الادى. ۆەلوجارىس «نۇرلى تاۋ» كوپفۋنكسيونالدى ورتالىعىنان باستالادى، سودان كەيىن قاتىسۋشىلار ءال-فارابي داڭعىلىنىڭ بويىمەن ءجۇرىپ، «تۇڭعىش پرەزيدەنت ساياباعىندا» مارەگە جەتەدى.
سورە: نۇرلى - تاۋ كوپفۋنكسيونالدى ورتالىعى، ساعات 7: 30
مارەسى تۇڭعىش پرەزيدەنت پاركىندە، ساعات 08:20
تۇڭعىش پرەزيدەنت ساياباعىندا 17 قىركۇيەكتە جىل سايىنعى "الما fest" مەرەكەلىك ءىس-شاراسى جالعاسادى، ونىڭ اياسىندا الما جارمەڭكەسى، كونسەرتتىك باعدارلاما جانە كوپتەگەن ءىس-شارالار: زۋمبا، يوگا جانە سكانديناۆيالىق سەرۋەندەۋ بويىنشا جاتتىعۋلاردىڭ اشىلۋى جوسپارلانعان.
17 قىركۇيەك، ساعات 10:00-دەن باستالادى.
جالپى اقپارات ءۇشىن بايلانىس: ارايلىم ءاشىموۆا، سپورت باسقارماسىنىڭ باسپا ءسوز حاتشىسى +77474323588