الەمدەگى قۇندى سىيلىق.
نوبەل – دۇنيە جۇزىندەگى ايرىقشا سىيلىق. الفرەد ەسىمدى عالىمنىڭ بولاشاق ونەرتاپقىشتارعا ارناپ قالدىرعان مۇراسى. ول بار جيعان-تەرگەنىن ادەبيەت، فيزيكا، حيميا، ماتەماتيكا، ەكونوميكا، ت.ب سالالاردا بەرىلەدى. اتالعان سىيلىقتى الۋشى تۇلعاعا شۆەسيادا 1 ملن اقش دوللارى تابىستالادى. دۇنيەدەگى قۇندى پرەميا تۋرالى 5 قىزىقتى مالىمەتتى ۇسىنامىز.
* نوبەل سىيلىعىنا ۇسىنىلعاندار تۋرالى اقپار جارتى عاسىر بويى قۇپيا ساقتالادى. تەك 50 جىل ۋاقىت وتكەننەن كەيىن شۆەد اكادەمياسى مۇراعاتتاردى اشادى. ماسەلەن، 2017 جىلدىڭ قاڭتار ايىندا اقىن اننا احماتوۆانىڭ نوبەلگە ۇسىنىلعانى انىقتالدى. ادەبيەت سالاسى بويىنشا 1966 جىلى ەڭ مارتەبەلى اتاققا نومينانت بولعان اقىن ەسىمى 5 ناۋرىز كۇنى ومىردەن وتۋىنە بايلانىستى تىزىمنەن الىنعان.
* الەمدە 5 ەرلى-زايىپتى نوبەل سىيلىعىنىڭ يەلەنگەن. وسى اتاقتى العاش بولىپ 1903 جىلى ماريا مەن پەر كيۋريلەر الدى. ولار الەمگە ايگىلى فيزيك جانە ۇلگىلى وتباسى ءارى عالىمدار اۋلەتى بولعان.
* ءبىر قىزىعى، 5 ادامعا باعالى سىيلىق سىرتتاي بەرىلگەن. سەبەبى، اتاق بەرىلگەن ۋاقىتتا ولار تۇرمەدە وتىرعان نەمەسە ەركىندىگى شەكتەلگەن. ولاردىڭ بارلىعى بەيبىت ءومىر ءۇشىن كۇرەسكەن. نەمىس ءپاسيفيسى ءارى جۋرناليست كارل فون وسەسكيي، كەڭەس ادىلەتشىلى اندرەي ساحاروۆ، پولشالىق بەلسەندى لەح ۆالەنسا، بيرمالىق ساياساتكەر اۋن سان سۋ چجي جانە جۇڭگو دەموكراتى ليۋ سياوبو.
* قۇندى سىيلىقتىڭ ەڭ جاس لاۋرەاتى – 17 جاسار مالالا يۋسۋفزاي ەسىمدى قىز. پاكىستاندىق بويجەتكەن مۇسىلمان ەلدەرىندە ايەلدەرگە ءبىلىم الۋ قۇقىعىنىڭ بەرىلۋى جولىندا كۇرەسكەن. وعان 2014 جىلى بەيبىت ءومىر جولىندا جۇرگىزگەن كۇرەسى ءۇشىن تابىستالعان. يۋسۋفزاي 11 جاسىنان باستاپ BBC ارناسىندا بلوگ جۇرگىزۋ ارقىلى تانىمال بولعان.
* حالىقارالىق ماراپاتقا قولى جەتكەندەردىڭ ءبىرى – قازاق بالاسى دوستاي رامانقۇلوۆ. ول نوبەل سىيلىعىمەن ماراپاتتالعان تۇڭعىش قازاق. تاۋەلسىزدىك كەزەڭىنەن بەرى العان ءبىرىنشى تۇلعا.