قورعانىس ۆەدومستۆوسى تاراپىنان قازا تاپقانداردىڭ وتباسىلارىنا كومەك كورسەتۋ بويىنشا بارلىق شارالار قابىلداناتىن بولادى.
ق ر قورعانىس مينيسترلىگى جامبىل وبلىسىنداعى ينجەنەرلىك وق-دارىلەر قويماسىنداعى ءورت سالدارىنان قازا تاپقان اسكەريلەردىڭ اتى-جوندەرىن جاريالادى، دەپ حابارلايدى Almaty-akshamy.kz
ولار: كەلىسىمشارت بويىنشا قىزمەتتەگى اسكەري قىزمەتشى – 1981 جىلى تۋعان سەرجانت مارات سايلاۋ ۇلى مەشىنباي جانە 1981 جىلى تۋعان ەفرەيتور رۋسلان ءجۇرسىنباي ۇلى جانبولاتوۆ، 1969 جىلى تۋعان اسكەريلەندىرىلگەن كۇزەت قىزمەتشىسى ازامات ورازبەك دايىربەك ۇلى داليبايەۆ.
سەرجانت مارات مەشىنباي مەن ەفرەيتور رۋسلان جانبولاتوۆ ءورتتىڭ العاشقى مينۋتتارىنان باستاپ اسكەري ءبولىمنىڭ ءورت ءسوندىرۋ كومانداسىنىڭ قۇرامىندا بولدى. جارىلىستاردىڭ جانىندا بولىپ، ولار اۋىر جاراقاتتار الدى.
اسكەريلەندىرىلگەن كۇزەت قىزمەتشىسى ورازبەك داليبايەۆ قويمانى كۇزەتۋ جونىندەگى قاراۋىل باستىعىنىڭ كومەكشىسى قىزمەتىن اتقاردى. قىزمەتتىك مىندەتتەرىن اتقارۋدا وق-دارىلەردىڭ جارىلۋى سالدارىنان قازا تاپتى.
قورعانىس مينيسترلىگى قازا بولعانداردىڭ تۋىستارى مەن جاقىندارىنا قايعىرىپ كوڭىل ايتادى.